Peyvəndin varsa, buyur içəri, özü də maskasız!

Peyvəndin varsa, buyur içəri, özü də maskasız!

Dünyanın ən iri kofe restoran şəbəkəsi qaydaları dəyişib...

Peyvəndin varsa, buyur içəri, özü də maskasız!

ABŞ-ın ən iri iaşə xidmətlərindən biri, dünyanın bir nömrəli kofehaus şəbəkəsi Starbucks bundan sonra COVID-19 vaksini vurduran müştərilərin öz kofe restoranlarına maskasız daxil olmasına və içəridə olduğu müddətdə maskasız sərbəst hərəkətinə icazə verib.

Marja xəbər verir ki, şirkət ABŞ Xəstəliklərə Nəzarət və Profilaktika Mərkəzinin maskalarla bağlı təlimatını dəyişməsini əsas götürərək, karantin və maska siyasətinə dəyişiklik edib.

Yeni qaydalara görə, koronavirus infeksiyasına qarşı tam peyvənd olunmuş (hər iki dozanı vurdumuş) müştərilər maskasız Starbucks restoranlarına daxil ola bilər. Şirkət yalnız yerli ştat və federal səviyyədə yeni qaydalar müəyyənləşdirildiyi halda müştərilərdən maska geyinməyi tələb edəcək.

Starbucks bu qaydaları tətbiq edən ilk böyük pərakəndə ticarət və iaşə şəbəkəsi deyil. Gəlirlərinə görə (549 milyard dollar) 2020-ci ildə dünyanın ən iri şirkəti, 26 ölkədə 11 mindən artıq mağazaya malik Walmart, beşinci qlobal pərakəndə satış şirkəti Costco və alman ərzaq məhsulları şəbəkəsi Trader Joe’s də peyvənd olunmuş müştərilərə içəri maskasız daxil olub, gəzməyə icazə verir. Target, Home Depot, Gap və Ultra Beauty kimi iri şəbəkələr isə pandemiya ilə bağlı vəziyyəti izlədiklərini, buna görə də hələ maskalarla balı tələblərin qüvvədə qaldığını bildirir.

Starbucks-un səhmləri ilin əvvəlindən 4% bahalaşaraq, onun bazar dəyərini 131 milyard dollara çatdırıb.

17.05.2021 16:46