PAŞA Bank və Deloitte Azərbaycanın təşkilatçılığı ilə tədbir keçirilib
Ölkənin aparıcı korporativ maliyyə institutu PAŞA Bank, Deloitte Azərbaycan şirkəti ilə birgə kiçik və orta sahibkarlığın (KOS) iqtisadi artım və inkişafdakı roluna həsr olunan tədbir keçirib.
PAŞA Bankın yaydığı məlumata görə, Aprel ayının 6-sı baş tutan onlayn görüşdə KOS-ların transformasiyası, onlara təqdim olunan yeni maliyyələşmə növləri, Azərbaycanın 2021-ci ilə dair “Biznes İnam İndeksi” hesabatı, müasir rəqəmsal trendlər və digər mühüm mövzular müzakirə edilib. Pandemiyadan ən çox zərərçəkmiş sahə olan KOS-ların bərpa prosesi və gələcək inkişaf perspektivləri ilə bağlı proqnozlar da səsləndirilib. Tədbir, PAŞA Bank və Deloitte Azərbaycan şirkətinin məruzəçilərinin çıxışından sonra panel müzakirələri ilə davam edib.
Tədbirdə açılış nitqi ilə çıxış edən PAŞA Bankın İdarə Heyətinin sədri, baş icraçı direktor Taleh Kazımov KOS-ların milli iqtisadiyyatın inkişafında əhəmiyyətli rola malik olduğunu vurğulayıb. O, PAŞA Bankın sınaqlarla dolu olan dönəmlərdə KOS-ların maliyyə çətinliklərinin aradan qaldırılması yönündəki fəaliyyətindən bəhs edib. ”Biz, Azərbaycanın aparıcı korporativ maliyyə qurumu kimi ölkə iqtisadiyyatının şaxələndirilməsi və real sektorun dayanıqlı inkişafının təmin edilməsi üçün çalışırıq”, - deyə Taleh Kazımov bildirib.
Deloitte Azərbaycan şirkətinin İdarəedici partnyoru Nuran Kərimov çıxışı zamanı PAŞA Bank və Deloitte Azərbaycan arasında mövcud olan sıx əməkdaşlıqdan və KOS-larla birgə aparılan işlərdən danışıb.
Görüş zamanı Deloitte Azərbaycan şirkəti tərəfindən hazırlanan Azərbaycanın 2021-ci ilə dair “Biznes İnam İndeksi” hesabatı təqdim edilib. Builki hesabatda makroiqtisadi təhlil, biznes əminliyinin səviyyəsi və xüsusi olaraq kibertəhlükəsizlik mövzusu öz əksini tapıb. Tədbir zamanı sözügedən hesabatda yer alan Ümumi Daxili Məhsul və proqnozlar, perspektivli sənaye sahələri, məzənnə məsələsi, orta maaş səviyyəsi və proqnozlar kimi KOS-lar üçün əhəmiyyət daşıyan məqamlar müzakirə olunub.
Tədbirdə çıxış edən PAŞA Bank nümayəndələri bankın KOS seqmentinin dayanıqlı inkişafının təmin olunması yönündə həyata keçirdiyi təşəbbüslərdən və tətbiq olunan təcrübədən, eləcə də bu seqmentin inkişaf perspektivlərindən danışıb. Həmçinin Deloitte şirkətinin Azərbaycandakı təcrübəsi əsasında KOS-ların transformasiyası ilə bağlı mövcud vəziyyət, praktiki vergi və maliyyə uçotu məsələləri haqda da məlumat verilib.
Xatırladaq ki, PAŞA Bank, bundan öncə də KOS-lara həsr olunan bir sıra tədbirlərin təşkilatçısı və sponsoru qismində yer alıb. Bank, sosial təcrid dönəmlərində pandemiyanın mənfi təsirindən daha çox zərərçəkmiş sahələrdə fəaliyyət göstərən sahibkarlarla onlayn görüşlər də keçirib.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























