"Aqrolizinq" indiyədək 28 mindən çox texnika satıb
Ölkədə uğurla icra olunan regionların sosial-iqtisadi inkişafı dövlət proqramları hesabına kənd yerlərinin sosial infrastrukturunun köklü şəkildə yaxşılaşdırılması kənd yerlərində yaşayan əhalinin rifahının yüksəlməsini şərtləndirib. Bu barədə kənd təsərrüfatı naziri Heydər Əsədovun "Respublika" qəzetində dərc olunan məqaləsində deyilir.
Nazirin sözlərinə görə, meliorasiya-irriqasiya sisteminin inkişaf etdirilməsi məqsədilə həyata keçirilən böyükmiqyaslı layihələr hesabına 266 min hektar sahədə torpaqların su təminatı yaxşılaşdırılıb, 43 min hektar sahə yeni suvarılan torpaqlar qrupuna əlavə edilib, həmçinin 218 min hektar sahədə torpaqların meliorativ vəziyyəti yaxşılaşdırılıb.
H.Əsədov qeyd edib ki, regionların sosial-iqtisadi inkişafı dövlət proqramları çərçivəsində birbaşa dövlət dəstəyi hesabına müasir texnologiyalar əsasında fəaliyyət göstərən çoxsaylı kənd təsərrüfatı məhsullarının emalı müəssisələri qurulub, habelə anbar təsərrüfatları yaradılıb ki, bu da kənd təsərrüfatı məhsulları üçün əlverişli bazar infrastrukturunun formalaşması baxımından mühüm əhəmiyyət kəsb edib:
"Kənd təsərrüfatı məhsulları istehsalçılarının müvafiq istehsal vasitələri ilə təminatının yaxşılaşdırılması baxımından bazar prinsiplərinə əsaslanan dövlət dəstəyi mexanizmi kimi “Aqrolizinq” ASC-nin fəaliyyəti mühüm əhəmiyyət kəsb edib. 2005-2016-cı illər ərzində “Aqrolizinq” ASC-nin xətti ilə ümumilikdə 28 082 kənd təsərrüfatı texnikası, o cümlədən 1 869 taxılyığan kombayn, 94 pambıqyığan kombayn, 8 636 traktor və 17 483 digər texnikalar alınaraq istehsalçılara xidmət üçün rayonlardakı aqrotexniki servis mərkəzlərinə verilib və ya lizinq yolu ilə sahibkarlara satılıb.
Həmçinin, aqrar sahədə fəaliyyət göstərən sahibkarların istehsal xərclərinin azaldılması məqsədilə onlara hər hektar sahənin əkinində istifadə olunan yanacaq və motor yağlarına görə 40 manat və hər hektar buğda və çəltik əkininə görə 40 manat subsidiyanın verilməsi, həmçinin, istehsalçılara satılan mineral gübrələrin dəyərinin 50 faizi həcmində güzəştə görə subsidiyanın verilməsi, “Aqrolizinq” ASC tərəfindən idxal olunan məhsuldar cins malların istehsalçılara dəyərinin 50 faizi qədər güzəştlə satılması və toxum satışına görə subsidiyanın verilməsi siyasəti tətbiqi olunub".
©APA
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























