Naxçıvanda istehsal, emal və ixraca dair dövlət proqramı təsdiq edildi

Naxçıvanda istehsal, emal və ixraca dair dövlət proqramı təsdiq edildi

Naxçıvan Muxtar Respublikası Ali Məclisinin Sədri Vasif Talıbov martın 29-da “2021-2025-ci illərdə Naxçıvan Muxtar Respublikasında kənd təsərrüfatı məhsullarının istehsalı, emalı və ixracının stimullaşdırılmasına dair Dövlət Proqramı”nın təsdiq edilməsi haqqında Sərəncam imzalayıb.

Proqramın məqsədi muxtar respublikada kənd təsərrüfatı məhsullarının istehsalını, emalını və ixracını stimullaşdırmaq, kənd təsərrüfatı istehsalına əsaslanan ailə təsərrüfatlarını formalaşdırmaq və muxtar respublikada özünüməşğulluğu təmin etməkdir.

VTB-də minimal faiz dərəcəsi ilə nağd kredit 10.49%-dən

Proqramda nəzərdə tutulan tədbirlərin həyata keçirilməsi, istehsal olunan məhsulların ixrac potensialının artıracaq, kənd təsərrüfatının dayanıqlı inkişafını, kənd təsərrüfatı istehsalına əsaslanan emal müəssisələrinin qurulmasını təmin edəcək.

Dövlət proqramında nəzərdə tutulan tədbirlər dövlət büdcəsinin vəsaitləri, o cümlədən qanunvericilikdə nəzərdə tutulan digər mənbələr hesabına maliyyələşdiriləcək.

AYDA 59 MANAT ÖDƏNİŞLƏ 1500 AZN KREDİT!

2021-2025-ci illərdə Naxçıvan Muxtar Respublikasında kənd təsərrüfatı məhsullarının istehsalı, emalı və ixracının stimullaşdırılmasına dair D Ö V L Ə T P R O Q R A M I

1. Giriş

Naxçıvan Muxtar Respublikasında kənd təsərrüfatının inkişafı ilə bağlı kompleks tədbirlər görülür. Qəbul olunmuş dövlət proqramları aqrar sahədə məhsul istehsalının həcmini artırmış, əkin sahələri genişlənmiş, torpaq mülkiyyətçiləri, fermerlər və ailə təsərrüfatçıları formalaşmış, daxili tələbatın yerli istehsal hesabına ödənilməsinə nail olunmuşdur. Kənd təsərrüfatında məhsul istehsalının artması emal sənayesinin inkişafına da təkan vermiş, ixrac potensialı formalaşmışdır.

Yeni dövlət proqramı ötən dövrdə bu sahədə əldə edilmiş müsbət nəticələrin davamlılığını təmin edəcəkdir.

2. Proqramın məqsədi

Proqramın məqsədi aşağıdakılardan ibarətdir:

kənd təsərrüfatı məhsullarının istehsalı, emalı və ixracını stimullaşdırmaq;

kənd təsərrüfatı istehsalına əsaslanan ailə təsərrüfatlarını formalaşdırmaq;

muxtar respublikada özünüməşğulluğu təmin etmək.

3. Gözlənilən nəticələr

Proqramda nəzərdə tutulan tədbirlərin həyata keçirilməsindən aşağıdakı nəticələr gözlənilir:

kənd təsərrüfatının dayanıqlı inkişafınının təmin olunması;

istehsal olunan məhsulların ixrac potensialının artırılması;

kənd təsərrüfatı istehsalına əsaslanan emal müəssisələrinin qurulması.

4. Dövlət Proqramının maliyyələşdirilməsi

Dövlət Proqramında nəzərdə tutulmuş tədbirlər dövlət büdcəsinin vəsaitləri, o cümlədən qanunvericilikdə nəzərdə tutulan digər mənbələr hesabına maliyyələşdirilir.

5. Proqramın həyata keçirilməsi üzrə

T Ə D B İ R L Ə R P L A N I

№	Tədbirin adı	İcraçılar	İcra müddəti
5.1.	Rayonların sosial-iqtisadi inkişaf perspektivləri nəzərə alınmaqla kənd təsərrüfatına əsaslanan istehsal sahələrinin yaradılması, ailə təsərrüfatlarının fəaliyyətinin dəstəklənməsi	İqtisadiyyat Nazirliyi, Kənd Təsərrüfatı Nazirliyi, yerli icra hakimiyyətləri	2021-2025
5.2.	Kənd təsərrüfatı məhsullarının istehsal, emal və ixrac potensialının gücləndirilməsi	Kənd Təsərrüfatı Nazirliyi, İqtisadiyyat Nazirliyi, yerli icra hakimiyyətləri	2021-2025
5.3.	Məhsul istehsalının bazarın tələbatına uyğun planlaşdırılması, elektron uçot-informasiya sisteminin qurulması	Kənd Təsərrüfatı Nazirliyi, Rabitə və Yeni Texnologiyalar Nazirliyi, yerli icra hakimiyyətləri	2021-2025
5.4.	Yerli xammala əsaslanan yun tədarükü və iplik istehsalı müəssisəsinin yaradılması, qarğıdalı yağı istehsalına başlanılması	İqtisadiyyat Nazirliyi, Kənd Təsərrüfatı Nazirliyi	2021-2025
5.5.	Kompost gübrə istehsalı sahəsinin yaradılması	İqtisadiyyat Nazirliyi, Kənd Təsərrüfatı Nazirliyi	2021-2025
5.6.	Qızılgül əkini sahələrinin genişləndirilməsi, gülab və gül yağı istehsalının dəstəklənməsi	Kənd Təsərrüfatı Nazirliyi, İqtisadiyyat Nazirliyi, yerli icra hakimiyyətləri	2021-2025
5.7.	Emal olunmuş kənd təsərrüfatı məhsullarının çeşidinin və əmtəəlik göstəricilərinin yüksəldilməsi	İqtisadiyyat Nazirliyi, Antiinhisar və İstehlak Bazarına Nəzarət Dövlət Xidməti	2021-2025
5.8.	Müasir texnologiyalar əsasında qurudulmuş və dondurulmuş meyvə-tərəvəz emalı müəssisələrinin qurulması, bu sahədə fəaliyyətin təşviq edilməsi	İqtisadiyyat Nazirliyi, Kənd Təsərrüfatı Nazirliyi	2021-2025
5.9.	Daxili bazarın tələbatının və ixrac imkanlarının təhlil edilməsi, yeni yaradılan müəssisələrin rentabellik göstəricilərinin müəyyənləşdirilməsi	İqtisadiyyat Nazirliyi, Sahibkarlar Konfederasiyası	2021-2025
5.10.	Ailə təsərrüfatlarının ixracyönümlü məhsul istehsalına təşviq edilməsi	İqtisadiyyat Nazirliyi, Kənd Təsərrüfatı Nazirliyi, yerli icra hakimiyyətləri	2021-2025
5.11.	İxrac bazarları haqqında sahibkarlar və ailə təsərrüfatlarının məlumatlandırılması	İqtisadiyyat Nazirliyi, Kənd Təsərrüfatı Nazirliyi, yerli icra hakimiyyətləri	2021-2025
5.12.	İxracyönümlü məhsul istehsalçılarına lazımi şəraitin yaradılması, gömrük yoxlamalarının sadələşdirilməsi	İqtisadiyyat Nazirliyi, Dövlət Gömrük Komitəsi	2021-2025
5.13.	Kənd təsərrüfatına yararlı torpaqların əkin dövriyyəsinə cəlb olunması və xəritələşdirilməsi istiqamətində tədbirlərin davam etdirilməsi	Kənd Təsərrüfatı Nazirliyi, Daşınmaz Əmlak və Torpaq Məsələləri üzrə Dövlət Xidməti	Mütəmadi
5.14.	Xidmət sahələri ilə ailə təsərrüfatları arasında əlaqələrin gücləndirilməsi	İqtisadiyyat Nazirliyi, yerli icra hakimiyyətləri	2021-2025
5.15.	Özünüməşğulluq proqramı çərçivəsində aztəminatlı ailələrin məşğulluğu ilə bağlı işlərin davam etdirilməsi	Əmək və Əhalinin Sosial Müdafiəsi Nazirliyi	2021-2025
5.16.	Dövlət Proqramının icrası barədə teleradio verilişləri və qəzet materiallarının hazırlanması	Muxtar respublikanın kütləvi informasiya vasitələri	Rübdə 1 dəfə