Vergi siyasətində cari və ortamüddətli dövr üçün əsas strateji hədəflər açıqlanıb.

Marja.az-ın məlumatına görə, “Postpandemiya dövründə vergi sistemi” konfransında çıxışı zamanı Dövlət Vergi Xidmətinin Vergi siyasəti və strateji araşdırmalar departamentinin baş direktorunun müavini Nicat İmanov bildirib ki, qarşıdakı dövdə əsas idxal məhsullarının yerli istehsal məhsulları ilə əvəzlənməsi üçün vergi təşviqləri təqdim ediləcəkdir. Qısası, bazarda yerli istehsalçılardın mövqeyi güclənəcəkdir. 

Nicat İmanov deyib:

- Vergi qanunvericiliyinin investisiya yönümlülüyü təmin ediləcək,

- Daxili bazar vergi yolu ilə dəstəklənəcək və təşviq ediləcək,

- Vergi qanunvericiliyi beynəlxalq təcrübəyə uyğunlaşdırılacaq,

- Kölgə iqtisadiyyatı ilə sistemli mübarizə davam edəvək və ədalatəli rəqabət mühiti formalaşdırılacaq,

- Uçot siyasəti təkmilləşdiriləcək, şəffaflıq və nəzarət tələbi təmin ediləcək.

Nicat İmanov əlavə edib ki, Vergi Məcəlləsinin daha da rəqabətqabiliyyətli və anlaşılan olması təmin ediləcək.

Nicat İmanovun təqdimata görə, əsas prioritetlər aşağıdakılardır:

İnvestisiya mühitinin əlverişliliyinin vergi yolu ilə tənzimlənməsi – əsas idxal məhsullarının yerli istehsal məhsullar ilə əvəzlənməsi üçün vergi təşviqlərinin verilməsi; məşğulluğun təmin edilməsi və dayanıqlılığının artırılması; investisiya qoyuluşunu təşviq edən xüsusi vergi imtiyazlarının tətbiqi və s.

Kiçik və orta sahibkarlıq subyektlərinin ölkə iqtisadiyyatında rolunun genişləndirilməsi – kiçik və orta sahibkarlıq subyektlərinin rəqabət qabiliyyətinin artırılması üçün institusional dəstək mexanizmlərinin təkmilləşdirilməsi; mikro sahibkarlıq subyektlərinin kiçik və orta sahibkarlığa keçidinin təşviq edilməsi; real sektorun maliyyələşməsində iştirak edən maliyyə institutlara dəstək.

Uçot siyasətində şəffaflığın artırılması – haqsız rəqabətin aradan qaldırılması; rəqəmsal mühitin genişləndirilməsi və elektron xidmətlərin vergi orqanına inteqrasiyasının təmin olunması; ilkin uçot sənədlərin (invoys, daxili qaimələr, əmtəə-nəqliyyat qaiməsi və s.) elektronlaşdırılması; mikro sahibkarlıq subyektlərinin inzibatçılıq yükünün aradan qaldırılması üçün tədbirlərin görülməsi ("Mobil Tətbiq"ərin istifadəsi) və s.