Rusiya, taxıl üçün yeni ixrac mexanizminin tətbiqinə başlayacaq

Rusiya, taxıl üçün yeni ixrac mexanizminin tətbiqinə başlayacaq

Dünyanın ən böyük buğda ixracatçılarından biri olan Rusiya, Aprel ayında düstura əsaslanan taxıl ixracı mexanizminin tətbiqinə başlayacaq.

Rusiya, taxıl üçün yeni ixrac mexanizminin tətbiqinə başlayacaq

Rusiyanın İqtisadiyyat naziri Maksim Reşetnikov, Rusiya Prezidenti Vladimir Putin ilə görüşündə, Rusiyanın 1 Apreldə daimi bir taxıl ixrac mexanizmi tətbiq etməyi planlaşdırdığını açıqlayıb.

Marja Reuters-ə istinadən xəbər verir ki, mexanizm, düstura əsaslanan bir taxıl ixrac vergisi olacaq.

Rusiya Prezidenti Putin, "Qlobal ərzaq bazarındakı vəziyyət çox təəssüf ki, pisə gedir" deyərək, öz taxıl bazarını və istehsalçılarını dəstəkləmək üçün bir mexanizm hazırlamağa ehtiyac olduğunu bildirib.

Rusiyanın, sabit ixrac vergilərilə ixracı yavaşlatmağa çalışacağını açıqladığı dekabr ayı ortasından bu yana qlobal buğda qiymətləri fasiləsiz yüksəlməkdə davam edib.

Reşetnikov, düstura əsaslanan ixrac mexanizminə dair hər hansı bir detal verməyib.

1 Apreldən etibarən Rusiyanın taxıl ixracatçılarının müqavilələrini Rusiyanın birjalarından birində qeydiyyata aldırmaları lazım olacağı və bu sayədə düstur üçün bir qiymət göstəricisi hesablanacağı öyrənilib.

Reuters-in mənbələrinə görə, düsturun, 1 ton buğdanın qiyməti ilə 200 dollar arasındakı fərqin 70%-i olaraq müəyyən oluna bilər.

İnterfax-ın bu həftə açıqladığına görə, düsturun qiyməti hər ixracat müqaviləsinin qiyməti deyil, Moskva Birjası tərəfindən hesablanan qiymət əsas olacaq.

Reşetnikov, yeni mexanizmin, "qlobal qiymət dalğalanmalarının və yüksək qlobal qiymətlərin daxili bazara mənfi təsirinin qarşısını almağı" məqsəd qoyan qalıcı bir "qiymət dayandırıcı" olacağını ifadə edib.

Xatırladaq ki, Rusiya buğda ixrac vergisini 1 Martdan etibarən 1 ton üçün 25 avrodan 50 avroya yüksəldib.

Arpa və qarğıdalı ixrac vergisi isə 15 Mart-30 İyun dövrü üçün 1 ton üçün 10 avro və 24 avro olaraq müəyyən olunmuşdu.

05.02.2021 07:51

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az