ABŞ-da koronavirus peyvəndinin vurulmasına 11 dekabrda başlana bilər

ABŞ-da koronavirus peyvəndinin vurulmasına 11 dekabrda başlana bilər

ABŞ-da koronavirus peyvəndinin vurulmasına 11 dekabrda başlana bilər

ABŞ-da koronavirus peyvəndinin tətbiq olunmasına 11 dekabrda başlana bilər.

Marja xəbər verir ki, bunu ABŞ peyvənd proqramının rəhbəri doktor Moncef Slaoui bildirib.

VTB-də minimal faiz dərəcəsi ilə nağd kredit 10.49%-dən

O, CNN televiziyasına etdiyi açıqlamada, peyvəndin təsdiqlənməsinin ardından 24 saat sonra peyvəndi tətbiq etməyə başlayacaqlarını bildirib. 10 Dekabrda ABŞ Qida və Dərman İdarəsi (FDA) Pfizer və BionTech şirkətlərinin hazırladıqları peyvəndin təsdiqlənib təsdiqlənməməsi üçün yığıncaq keçirəcək.

Digər tərəfdən "Telegraph" qəzeti, peyvəndin İngiltərədə ABŞ-dan daha əvvəl tətbiq olunmağa başlaya biləcəyini yazıb. Qəzetin adını vermədiyi hökumətdəki mənbələrinə istinadən yaydığı xəbərində, Pfizer şirkətinin Almaniyanın BionTech şirkəti ilə hazırladığı koronavirus peyvəndinin bir həftədən qısa bir müddət ərzində təsdiq ala biləcəyini qeyd edib. Xəbərdə hökumətin peyvəndin tətbiq olunmasına 1 dekabrda başlanmasını, aprel ayınadək ölkədəki bütün yetkinlərin peyvənd edilməsini planlaşdırdığı vurğulanıb.

İlk əvvəl yaşlılar və risk qrupundakı işçilər peyvənd ediləcək.

İspaniyanın Baş naziri Pedro Sanchez isə ölkədə əhatəli peyvənd işinin yanvar ayında başlayacağını bildirib.

İspaniya və Almaniyanın Avropa Birliyində peyvənd planlarını tamamlayan ilk ölkələr olduğunu da əlavə edib.

Pfizer və BionTech şirkətləri hazırladıqları və iki doza tətbiq olunması lazım olan koronavirus peyvəndinin təsdiqlənməsi üçün cümə günü ABŞ Qida və Dərman İdarəsinə (FDA) müraciət ediblər. FDA, 10 dekabr 2020-ci il tarixində peyvəndin təsdiqlənib təsdiqlənməməsi üçün yığıncaq keçirəcək.

95% təsirli olduğu açıqlanmış peyvəndin il sonuna qədər 50 milyon doza istehsal edilməsi hədəflənir. 2021-ci ildə isə 1,3 milyard doza peyvənd istehsal edilməsi nəzərdə tutulur.

ABŞ-da indiyə qədər koronavirusdan 225 min nəfər ölüb, 12 milyon nəfərin də koronavirusa yoluxduğu müəyyən edilib.

23.11.2020 09:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az