Koronavirusa qarşı bədəni gücləndirdiyi üçün dəvə südünə tələb artıb

Koronavirusa qarşı bədəni gücləndirdiyi üçün dəvə südünə tələb artıb

Koronavirusa qarşı bədəni gücləndirdiyi üçün dəvə südünə tələb artıb

Türkiyədə və Avropada dəvə südünə tələbin artdığı bildirilir. Səbəb bu südün koronavirusa yoluxmaq riskini azaltmasıdır.

Marja Türkiyə mətbuatına istinadən xəbər verir ki, dəvə südü istehsalçıları artan tələbdən məmnun olduqlarını söyləyirlər.

Türkiyədə dəvə südü istehsalının edildiyi az sayda yerlərdən biri olan Aydının İncirliova mahalındakı fermalar südün litrini 100 lirədən bazara təqdim edirlər. Dəvə südü Türkiyənin bölgələrinə və şoklanaraq xaricə göndərilir.

Dəvə fermasının sahibi Aytekin Kaya 40 dəvə saxladıqlarını bildirib. Kaya, dəvə saxlamağın çətin olduğunu vurğulayıb.

Dəvə süd Ərəbistan yarımadası və Şimal Afrikada çox məşhurdur.

Aytekin Kaya bildirib: "Dəvəçilik bizə babalarımzdan qalıb. Dəvə südünün faydaları barədə insanlarda məlumat artdığından bu məhsulu satışa çıxarmağa başladıq. Dəvə südündə C vitamini var və immunitet sistemini gücləndirir. Yeni növ koronavirusun immunitet sistemi zəif olanlara daha çox təsir etdiyi üçün, dəvə südünə tələb çox ciddi şəkildə artıb. Pandemiyadan əvvəl aylıq 300 litrə qədər satırdıq, indi bu rəqəm 600 litrə qədər çatır. Tələb çoxdur, hər kəsə kömək olmağa çalışırıq. Avropa ölkələrinə də şoklanmış vəziyyətdə göndəririk."

Qeyd edək ki, Avropada dəvə südünə maraq hər ötən gün artır. Dəvə südü yağ, zülal baxımından inək südünə bənzərdir ancaq içərisindəki bəzi birləşmələr dəvə südünü əhəmiyyətli edir. Dəvə südü qəbul edildiyi zaman bəzi xəstəliklərə qarşı bədəni qoruyur. İmmuniteti gücləndirici təsiri olmasına görə Covid-19 müddətində dəvə südünə tələb artıb.

16.11.2020 15:09