Azərbaycan Kanadaya cavab verdi

Azərbaycan Respublikası Xarici İşlər Nazirliyi (XİN) Kanada Xarici İşlər nazirinin 11 noyabr 2020-ci il tarixli bəyanatına dair açıqlama yayıb.
XİN-in Mətbuat xidməti idarəsindən daxil olan açıqlamada deyilir:
“Kanada Xarici İşlər nazirinin Ermənistanla Azərbaycan arasında hərbi əməliyyatların dayandırılması ilə bağlı verdiyi, ermənipərəst hisslərin açıq şəkildə ifadə olunduğu birtərəfli bəyanat təəssüf doğurur.
Azərbaycan ərazilərinin Ermənistan tərəfindən 30 ilə yaxın davam edən işğalını və yüz minlərlə azərbaycanlının insan hüquqlarının pozulmasını qınayan, bu illər ərzində aparılan danışıqlar prosesinə töhfə verəcək və BMT TŞ-nin müvafiq qətnamələrinin həyata keçirilməsini dəstəkləyəcək hər hansı bəyanatla çıxış etməyən Kanada Xarici İşlər naziri görünür indi münaqişə ilə məşğul olmağa başlayıb.
Xatırladırıq ki, Azərbaycan və Ermənistan arasında hərbi əməliyyatların dayandırılması və tam atəşkəsin elan olunması ilə bağlı birgə bəyanat 10 noyabr 2020-ci il tarixində Azərbaycan Prezidenti, Ermənistan Baş naziri və Rusiya Prezidenti tərəfindən imzalanıb. BMT TŞ qətnamələrinə əsaslanan bu razılaşma hazırda həyata keçirilməkdədir.
Heç bir dövlət, xüsusilə də ərazidən çox uzaqda yerləşənlər, bölgədə sülh və təhlükəsizliyin təmin olunmasında bölgə ölkələrindən daha çox maraqlı ola bilməz.
Kanada həqiqətən də bölgədə dayanıqlı sülhün təmin olunmasını istəyirsə, o zaman beynəlxalq hüquq prinsiplərinin və BMT TŞ qətnamələrinin tələblərinə uyğun davranmalı və bu ruhda bəyanatlarla çıxış etməlidir. Bunun əksi münaqişənin siyasi həllinə və beləliklə də bölgədə sülhün bərqərar olmasına zərər verməkdən başqa bir şey deyildir”.
Müştərilərin xəbərləri
SON XƏBƏRLƏR
- 2 ay sonra
-
5 gün sonra
Şüşə vitrinlərinizi çöl görüntüsünü pozmadan reklam sahəsinə çevirin!
- 13 saat əvvəl
-
- 14 saat əvvəl
-
14 saat əvvəl
İcbari Sığorta Bürosu və Əməyin Mühafizəsi Mərkəzi birgə təlimlər keçirir
- 14 saat əvvəl
-
14 saat əvvəl
Azərbaycanın hava məkanında məhdudiyyətlərin tətbiqi qaydası müəyyənləşib
- 15 saat əvvəl
- 15 saat əvvəl
- 15 saat əvvəl
- 15 saat əvvəl
-
16 saat əvvəl
Unibankın sədri öz istəyi ilə bankdan ayrılıb, müvəqqəti sədr təyin edilib
Son Xəbərlər

Dolların sabah üçün rəsmi məzənnəsi müəyyən olunub

Ağdamda yeni şirkət - lift və eskalator istehsal edəcək

SOCAR-ın Azərbaycan və İsveçrədə gəlirləri azalıb
Ən çox oxunanlar

SOCAR-ın əsas əməliyyat gəlirləri və ümumi mənfəəti azalıb

SOCAR: 2024-cü ildə “Azər-Türk Bank” satın alınıb

Sənayenin inkişafında maneələrin və çətinliklərin aradan qaldırılmasına start verildi

Mədəniyyət Nazirliyində yeni müdir təyinatı olub
.jpg)
İyulun 9-da gözlənilən hava şəraiti açıqlanıb
