Fransa şirkətinin Azərbaycan filialı ləğv olunur - YENİLƏNİB

Fransa şirkətinin Azərbaycan filialı ləğv olunur - YENİLƏNİB

"Suez WTS France" şirkətinin Azərbaycan Respublikasındakı filialı ləğv olunduğunu elan edib.

Marja xəbər verir ki, kreditorlar iki ay ərzində tələblərini AZ1025 Bakı şəhəri, Xətai rayonu, Nobel prospekti "Azure Biznes Mərkəzi" küçəsi, ev 15, mənzil 140 ünvanına bildirə bilərlər.

Suez - su, elektrik enerjisi, təbii qaz və tullantıların idarəedilməsi sahələrində fəaliyyət göstərən qabaqcıl Fransa şirkətidir. SUEZ Water Technologies & Solutions (WTS) şirkəti Suez qrupuna daxildir.

“SUEZ GROUPE”un Azərbaycandakı filialından Marja-ya bildirildi ki, filialın ləğvi birləşmə ilə bağlıdır:

“SUEZ-in Azərbaycanda 2 filialı fəaliyyət göstərirdi. Ləğv olunan filial SWTS-ın (SUEZ Water Technologies and Solutions) adından Azərbaycanda 2017-ci il sentyabr ayından fəaliyyət göstərirdi. İki filialın fəaliyyətini bir strukturda birləşdirmək məqsədilə sözügedən filial ləğv olunmuş və işçi heyəti artıq 2019-cu ilin may ayında “SUEZ GROUPE”un Azərbaycan filialına köçürülmüşdür".

Qeyd edilib ki, öz sahəsində dünya lideri sayılan “SUEZ GROUPE” malik olduğu 150 illik təcrübə ilə dünyanın 100-dən çox ölkəsində 90 mindən çox işçi ilə resursların səmərəli və dayanıqlı şəkildə idarə olunması sahəsində fəaliyyət göstərir. SUEZ artıq 16 ildir ki, Azərbaycan Respublikasında dövlət və sənaye sektoru, o cümlədən su-kanalizasiya və tullantıların idarə olunması istiqamətlərində ağıllı və ekoloji cəhətdən səmərəli həllər tətbiq edərək ölkə iqtisadiyyatının və ətraf mühitin inkişafına töhfə vermişdir.