(®️) “Ziraat Bank Azərbaycan” ASC və Azərbaycan Respublikasının Kənd Təsərrüfatı Nazirliyi yanında “Aqrar Kredit və İnkişaf Agentliyi” arasında bağlanılmış əməkdaşlıq müqaviləsinə əsasən, Bankımız artıq regionlarda sahibkarlıq fəaliyyəti ilə məşğul olan fiziki və hüquqi şəxslərə güzəştli şərtlərlə kreditlər təklif edir.

“Aqrar Kredit və İnkişaf Agentliyi” (AKİA) ilə əməkdaşlıq çərçivəsində agentliyin vəsaiti hesabına təqdim olunan kreditlər illik 7%-lə kənd təsərrüfatı üzrə aqrar sahənin inkişafı, aqrar sahədə innovativ metodlardan istifadə olunmasının təşviqi, sahibkarlıq təşəbbüslərinin dəstəklənməsi məqsədilə veriləcəkdir. 

Qeyd edək ki, kredit müddəti güzəştli şərtlərlə alınan damazlıq heyvanlar, kiçik və ortahəcmli kreditlər üçün 3 il, digər kənd təsərrüfatı istehsal vasitələrin alınması və böyükhəcmli kreditlər üçün 5 ildir. Əlavə olaraq bildirmək istəyərdik ki, kreditin maksimal həddi 1 000 000 manat təşkil edir və 200 000 manatdan yuxarı rəsmiləşdirilən kreditlər yalnız kənd təsərrüfatı istehsal vasitələrinin alınması üçün nəzərdə tutulmuşdur. Kredit vəsaitləri üzrə verilən güzəşt müddəti kiçik və ortahəcmli kreditlər üzrə 18 ayadək, böyükhəcmli kreditlər üzrə isə 24 ayadək tətbiq edilir. Güzəşt müddətində sahibkarlıq subyekti yalnız faiz borcunu ödəyir, əsas borc üzrə hər hansı ödəniş həyata keçirmir. Sahibkarlıq subyektləri alınmış kreditlər üzrə faiz borclarını və əsas borcu güzəşt müddəti bitdikdən sonra növbəti aydan başlayaraq, kredit müqaviləsinə uyğun olaraq, hər ay bərabər hissələrlə ödəyirlər.

Korporativ və pərakəndə bankçılıq sahəsində məhsullar və xidmətlər təklif edən “Ziraat Bank Azərbaycan” ASC-nin ölkə ərazisində Bakı, Gəncə və Sumqayıt şəhərlərində yerləşən 4 filialı mövcuddur və cari il ərzində filialların sayını 2 dəfəyə yaxın artırılması planlaşdırılır. Bank  məhsulları və xidmətləri haqqında ətraflı məlumatı *9229 Məlumat Mərkəzinə zəng edərək, www.ziraatbank.az saytından və ya bankın sosial şəbəkələrdəki rəsmi səhifələrindən əldə edə bilərsiniz.