Azərbaycan alimləri tərəfindən 3 yeni buğda sortu patenləşdirilib

Azərbaycan Milli Elmlər Akademiyasının (AMEA) Genetik Ehtiyatlar İnstitutunun (GEİ) Milli Genbankında bütün yerli sortlar da daxil olmaqla buğda bitkisinə aid 3000-dən çox nümunə mühafizə olunmaqdadır.
Bu barədə Azərbaycan Milli Elmlər Akademiyasından məlumat verilib.
GEİ son illərdə beynəlxalq təşkilatlarla da əlaqələrini xeyli genişləndirib, dünya buğda kolleksiyalarına və onların genom verilənlərinə çıxış imkanı əldə edib. 2019-2020-ci illərdə 1500-dən artıq buğda nümunəsi ölkəyə gətirilərək onlar üzərində tədqiqat işlərinə başlanılıb. İnstitutda aparılan uzunmüddətli tətbiqi və fundamental tədqiqatlar nəticəsində çoxlu sayda yeni buğda (“Sevinc”, “Cəfəri”, “Arzu”, “Bol-buğda”, “Gürgənə-1”, “Zərdabi”, “Birlik”, “Qrekum-75/50”, “Kəhrəba”, “Qızılbuğda”, “Saray”, “Abşeron”, “Maya”, “Start” və s.) sortları yaradılıb və onların geniş təsərrüfatlarda becərilməsi təmin edilib.
2020-ci ildə GEİ və Kənd Təsərrüfatı Nazirliyinin Əkinçilik Elmi-Tədqiqat İnstitutunun alimləri tərəfindən 3 yeni buğda sortu (“Korifey-88”, “Cənub”, “Mərcani buğda”) patenləşdirilərək rayonlaşdırılıb. Yeni yarımpayızlıq bərk buğda sortu - "Korifey-88" Rusiyadan əldə olunmuş sortların çarpazlaşdırılmasından alınmış hibrid xəttindən təkrar fərdi seçmə yolu ilə yaradılıb. “Korifey-88” sortunun pоtеnsial məhsuldarlığı orta (54-58 s/ha), adaptivliyi yüksəkdir. Sünbüldə dənlərin sayına görə bərk buğda sortları arasında lider olan “Korifey-88”in Azərbaycanın suvarılan düzən və nəmliklə təmin olunmuş dağətəyi bölgələrində becərilməsi tövsiyə olunur.
Yumşaq buğdanın “Cənub” sortu beynəlxalq pitomniklərdən seçilmiş mürəkkəb hibriddən fərdi seçmə yolu ilə yaradılıb. “Cənub” sortunun müsabiqəli sortsınağında üç illik orta məhsuldarlığı 63,2 s/ha, standart Aran sortundan 4,0 s/ha çox olub. Tədqiqat illərində sarı və qonur pas xəstəliklərinə davamlılıq göstərib. “Cənub” sortunun respublikanın suvarılan düzən və dağətəyi dəmyə bölgələrində becərilməsi təklif olunur.
Payızlıq yumşaq buğdanın yeni “Məcranı buğda” sortu Əkinçilik Elmi Tədqiqat İnstitutunun Cəlilabad Bölgə Təcrübə Stansiyasında, Milli Genbankda saxlanılan Ferrigineum (Rusiya) X Bəyaz (Azərbaycan) sortlarının çarpazlaşdırılmasından alınmış hibrid xəttindən fərdi seçmə yolu ilə yaradılıb. Bu sort qışlamanı yaxşı keçirdiyinə görə məhsuldar kollanması digər sortlardan yüksəkdir. Bitkilərin intensiv piqmentləşməsinə görə fotosintetik proseslər daha aktiv gedərək, bitkilərin uzun müddət yaşıl qalmasına səbəb olur. “Məcranı buğda”nın respublikanın nəmliklə təmin olunmayan dağlıq və dağətəyi quraq dəmyə bölgələrində becərilməsi tövsiyə olunur.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım
SON XƏBƏRLƏR
- 1 ay sonra
-
1 gün sonra
Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır
-
10 saat əvvəl
“Abu Dhabi Ports Group” şirkəti ilə əməkdaşlıq imkanları müzakirə edilib
-
- 11 saat əvvəl
-
12 saat əvvəl
Sloveniya Azərbaycanı qaz infrastrukturunun inkişafına cəlb etmək istəyir
- 12 saat əvvəl
-
12 saat əvvəl
Sahibkarlara taxta altlıqlar, yeşiklər və paletlər ilə bağlı müraciət edildi
-
13 saat əvvəl
Hesablama Palatası ən çox təkrarlanan maliyyə pozuntularını açıqlayıb
-
14 saat əvvəl
Palata ilk 6 ayda 65 milyon manatlıq maliyyə pozuntusu aşkarlayıb
- 14 saat əvvəl
-
16 saat əvvəl
Lerikin Hamarmeşə–Bibiyani yolu əsaslı təmir olunacaq – 2 MİLYON MANATLIQ SƏRƏNCAM
-
16 saat əvvəl
Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib
Son Xəbərlər

Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır

İsti hava şəraiti davam edəcək

Palata ilk 6 ayda 65 milyon manatlıq maliyyə pozuntusu aşkarlayıb
Ən çox oxunanlar

Dövlət şirkəti 82 milyon manata yaxın gəlirə qarşı, 5 milyon manat xalis mənfəət əldə edib

Sabahın hava proqnozu açıqlanıb

WaterTech Bootcamp: Su ehtiyatlarının idarə olunmasında süni intellekt və innovasiya ilə gələcəyə doğru addım

İri xarici bank Azərbaycan üçün yeni 5 illik strateji əməkdaşlıq planını təsdiqləyib

Mərkəzi Bankda bankirlər ilə görüş keçirilib

Dövlət Agentliyi qiymətli kağızlara investisiyalarını kəskin azaldıb, banklara depozit yerləşdirib
