EUR

Beynəlxalq valyuta birjalarında EUR/USD məzənnəsi təzyiq altında qalmaqdadır. Texniki təhlilərə əsasən, məzənnə 1.09$-ın altında qaldıqca, 1.07$-a kimi ucuzlaşa bilər.

Bununla yanaşı, cümə axşamı Bakı vaxtı ilə saat 12:00-da Avrozonanın xidmət və sənaye sektorları ilə bağlı açıqlanacaq önəmli fundamental göstəricilər də avro/dollar qiymətinə təsiri baxımından investorların diqqət mərkəzindədir.

GBP

GBP/USD məzənnəsi də təzyiqa altındadır. Həm dolların aparıcı valyutalara nisbətən qiymətlərinin bahalaşması, həm də neft qiymətlərində ucuzlaşma funtun qiymətlərinə təzyiq edir.

Beləliklə, məzənnənin gələcək trendi fonunda enerji birjalarında neftin qiyməti və çərşənbə axşamı saat 10:00-da İngiltərənin əmək bazarına dair yayımlanacaq fundamental göstəricilər önəmli rol oynayacaqdır.

TRY

USD/TRY məzənnəsi çərşənbə günü saat 15:00-da TCMB tərəfindən açıqlanacaq faiz qərarı öncəsi, 2018-ci ilin sentyabr ayından etibarən ən yüksək səviyyələrində -6.83TL-nin üzərində dalğalanmaqdadır.

Qeyd etmək lazımdır ki, Türkiyədə xarici investisiyaların azalması və nəticədə inflyasiyanın yenidən artması riskləri, lirəyə təzyiqlərin daha artmasına səbəb olur.

OIL

Enerji birjalarında dayanıqlı neft qiymətlərinin təmin edilməsi istiqamətində neft ölkələri tədbirlərinin məhdud təsiri, Avropanın Brent markalı neftinin bir barel qiymətinin 27$-a kimi ucuzlaşmasına səbəb olur. Qiymət sözügedən səviyyənin altında qalarsa, 22$-a kimi dəyər itirə bilər.

Çərşənbə günü Bakı vaxtı ilə saat 18:30-da yayımlanacaq ABŞ-ın neft və benzin ehtiyatlarına dair önəmli fundamental göstəricilər də böyük maraqla izlənilir.

GOLD

Əlvan metallar birjalarında qızılın bir unsiya üzrə qiymətində ucuzlaşma müşahidə edilir. Təhlillərə əsasən, qiymət 1672$-ın (53.8 $/qram) qırılması ilə 1647 (53 $/qram) və 1625$-a (52.3 $/qram) kimi ucuzlaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.