® 2020-ci il fevral ayının 29-da “Buta Palace”da biznes sahəsində 2019-cu ilin yekunları üzrə “Business Time” jurnalı tərəfindən təşkil edilən “Azeri Business Award” Milli mükafatının təqdimetmə mərasimi keçirilib.

Tədbirdə 12 ölkənin fövqəladə və səlahiyyətli səfirləri, müxtəlif dövlət qurumlarının, aparıcı şirkətlərin nümayəndələri, yüksək səviyyəli menecerlər, iqtisadiyyatın müxtəlif sahələrindən olan təmsilçilər, xarici qonaqlar və KİV nümayəndələri də daxil olmaqla 300 nəfər iştirak edirdi.

Tədbirdə həmçinin Gürcüstanın Batumi şəhərinin meri Laşa Komaxidze başda olmaqla nümayəndə heyəti də iştirak edirdi.

Laureatlar iqtisadiyyatın müxtəlif sahələrinin nümayəndələridir – tikinti materiallarının istehsalı, tibb, bankçılıq, kənd təsərrüfatı və s.

“Ölkələrimiz arasında ikitərəfli münasibətlərin inkişafına verdiyi töhfəyə görə” əsas mükafata Özbəkistan Respublikasının Azərbaycandakı Fövqəladə və Səlahiyyətli Səfiri Şerzod Fayziyev layiq görüldü.

Yuxarıda qeyd edildiyi kimi, qonaqlar arasında Fransa, Çexiya, Gürcüstan səfirləri də daxil olmaqla digər ölkələrin də diplomatik nümayəndələri də iştirak edirdilər.

“Azeri Business Award” 2019 mükafatının tərəfdaşı “Avtoluks Azərbaycan”, “Faberlic” və “Elite Group”, tədbirin dost şirkətləri isə "SmartFlame”, “iBroker”, “Grante”, “Minabi” və “King Edward” idi.

"Buta Palace"da təşkil edilən mükafat mərasimindən əvvəl “Azeri Business Award” mükafatına laureat şirkətlərin mal və xidmətlərinin təqdimat mərasimi təşkil edildi.

Bundan başqa "Azeri Business Award” mükafatının tərəfdaşı "Avtoluks Azərbaycan" yeni Land Rover Discovery Sport avtomobilinin  təqdimatını keçirdi.

Bu axşam qonaqlar və mükafatçılar canlı musiqi ifasından da məmnunluq hissi duydular.

Tədbirin informasiya tərəfdaşları: Apa.az, Lent.az, Marja.az, News.az, Vesti.az, KaTV1, Report.az, SIA agentliyi, Urban.az və Navigator.az.

“Azeri Business Award” 2019 mükafatının laureatları

Özbəkistan Respublikasının Azərbaycandakı Fövqəladə və Səlahiyyətli Səfiri Şerzod Fayziyev – Ticari-iqtisadi əlaqələrin inkişafına töhfəsinə görə

Namiq Hacıyev, Yağmur-2 şirkətinin direktoru – İşgüzar nüfuz

Mircəlal Kazımi – Transplantalogiya sahəsində əldə etdiyi yüksək nəticələrə görə. İlin həkimi

Vüsalə Mahirqızı, APA Qrup baş direktoru – İlin iş adamı. KİV

“Premium Bank” ASC – İlin bankı

Max Print – Yüksək keyfiyyət standartları. Poliqrafiya xidməti və suvenir məhsulları

Magna (“Cahan Sənaye Kompleksi” MMC) – İlin brendi

Zeytun Pharmaceuticals – İlin apteklər şəbəkəsi

Garden Palace (Caspian Service) – İlin EKO layihəsi

HTech Invest –İlin İT şirkəti

Range Rover Velar – İlin lüks avtomobili

Kartmane (“Rabitəbank” ASC) – İlin bank məhsulu

Gold Buta – Milli ənənələrin və koloritin təbliğinə töhfəsinə görə

Shahenshah – Təbii şirələr bazarında ilin ticarət nişanı

Fab Boya – Boya və kimya sənayesi sahəsində əldə etdiyi yüksək nəticələrə görə

Elatus – İlin moda evi

ARIS – Yüksək keyfiyyət standartları. Suvarma sistemləri

Collezione İtalia​ – Lüks seqmentində ilin aparıcı interyer şourumu

Xurcun – Xalq markası

VS Energy Service – İlin şirkəti. Elektrik-montaj işləri və tikinti

New Europe – Yüksək keyfiyyət standartları. Əmlak agentliyi

Sobsan Boyaları – İlin boya və lak istehsalçısı

SOCAR Petroleum – İlin yanacaqdoldurma məntəqələri şəbəkəsi

Hajiqabul Green House – Kənd təsərrüfatı sahəsində əldə etdiyi yüksək nəticələrə görə

İydə – İlin parfümeriya mağazaları şəbəkəsi

BADAM Patisserie – Azərbaycanın qədim və ənənəvi kulinariya reseptlərinin təbliğinə töhfəsinə görə

Təsisçi və mükafat barədə:

“Azeri Business Award” mükafatının təsisçisi Azərbaycanda 11 ildir uğurla fəaliyyət göstərən “Business Time” aylıq işgüzar jurnalıdır. Bu jurnal Azərbaycanda iqtisadiyyat və biznes sahəsində aparıcı  dövri nəşrdir.

“Business Time” şirkətlərə çevik və müasir  idarəetmə qərarlarının səmərəli tətbiq edilməsində və rəqabət qabiliyyətini artırmağın yollarının axtarışında milli biznesə yardım göstərir. Öz sahəsi üzrə aparıcı ekspertlərin cəlb edilməsi ilə yazılan informasiya və analitik materiallar vasitəsilə oxucuları ölkə iqtisadiyyatında gedən  aktual və maraqlı proseslərlə tanış edir.

“Azeri Business Award” biznes sahəsində Milli mükafatın ilk təqdimat mərasimi 2009-cu ildə baş tutub və Azərbaycanda biznes sahəsində keçirilən ən nüfuzlu tədbirlərdən biri hesab olunur. O, ən yaxşı təşkilatları və şirkətləri nümunə kimi göstərir, milli biznesin yeni imicini yaradır həmçinin ölkədə işgüzar etikanın yeni standartlarının inkişafına yardım edir.

Mükafat milli biznesin yeni simasını formalaşdıran, Azərbaycan bazarının ən parlaq və dinamik iştirakçılarına təqdim edilir. Qaliblərin müəyyən edilməsində əsas amil kimi namizədlərin fəaliyyətindəki artım tempi götürülür.