InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında koronavirusunun iqtisadi zərərlərinə dair narahatlıqlar fonunda dollara olan tələb yüksək olaraq qalır. Lakin son günlər Çindən yeni yoluxanların sayında azalmaya dair müsbət xəbərin açıqlanmasından sonra dollarda ucuzlaşma müşahidə edilir və ucuzlaşma korrektiv qiymətləndirilsə də dərinləşə bilər.

Beləliklə, EUR/USD məzənnəsində də şahidi olduğumuz bahalaşma, 1.09$-a kimi davam edə bilər.

GBP

GBP/USD məzənnəsi də 1.29$-da dəstək görərək, bahalaşmağa başlayıb və bahalaşma 1.31$-a kimi davam edə bilər. Bununla yanaşı, enerji birjalarında neft qiymətlərində bahalaşma da funtun qiymətinə müsbət təsir edə biləcəyi ehtimal edilir.

TRY

Lirə ucuzlaşmaqda davam edir və təhlillər USD/TRY məzənnəsinin 6.15TL-yə kimi bahalaşa biləcəyini ehtimal etməyə əsas verir.

Lirənin ucuzlaşmasına səbəb isə TCMB-nin faiz azaldılması siyasətidir və digər tərəfdən inflyasiyada da yenidən artım müşahidə edilir.

OIL

Enerji birjalarında neft qiymətləri yenidən bahalaşmağa başlayıb. Son iki həftədir 13% dəyər qazanan Avropanın Brent markalı neftinin bir barel qiyməti, 55$-ın üzərində qaldıqca, bahalaşmaqda davam edəcəyi proqnozlaşdırılır.

Çərşənbə günü saat 19:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatlar da diqqət mərkəzindədir.

GOLD

Əlvan metallar birjalarında qızılın bir unsiya üzrə qiyməti 1681$-a kimi dəyər qazandıqdan sonra ucuzlaşmağa başlayıb və qiymət sonuncu səviyyənin altında qaldıqca, daha dərin səviyyələrə - 1608$-a kimi korreksiya edə biləcəyi ehtimal edilir.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.