Manat daha da güclənə bilər - MƏRKƏZİ BANK YENİ HƏRRAC ELAN ETDİ

Manat daha da güclənə bilər - MƏRKƏZİ BANK YENİ HƏRRAC ELAN ETDİ

Manat daha da güclənə bilər - MƏRKƏZİ BANK YENİ HƏRRAC ELAN ETDİ

Azərbaycan Respublikasının Mərkəzi Bankı tərəfindən vəsaitlərin cəlb edilməsi üzrə növbəti depozit hərracı keçiriləcək.

VTB-də yüksək depozit faizləri daha çox qazandırır

“Marja” xəbər verir ki, Mərkəzi Bank hərrac vasitəsilə 200 000 000 (iki yüz milyon) manat cəlb etməyi nəzərdə tutur.

Müddət 14 gün, faiz dərəcəsi, 12,01%-14,99% müəyyən olunub.

Xəbər verdiyimiz kimi, 03 aprel 2017-ci il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 149,2 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,76% təşkil etmişdi. Mərkəzi Bank 100 milyon manat cəlb edəcəyini açıqlamışdı.

31 mart 2017-ci il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 301,5 mln. manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,53% təşkil etmişdir. Mərkəzi Bank 200 milyon manat cəlb edəcəyini açıqlamışdı.

Martın 27-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 336,3 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,71 faiz təşkil etmişdi. Mərkəzi Bank 300 milyon manat cəlb edəcəyini elan etmişdi. Beləliklə, son 3 hərrac ilə Mərkəzi Bank 600 milyon manatı dövriyyədən çıxardıb.

Mərkəzi Bank depozit hərracları vasitəsilə dövriyyədəki Manat kütləsini azaldır. Yəni, Dollar alışına yönəldilə biləcək izafi manat yığılır. Son iki ayda Dolların Manat qarşısında ucuzlaşmasının əsas səbəbi Mərkəzi Bankın sterilizasiya (izafi pulun dövriyyədən çıxarılması) əməliyyatlarıdır.

07.04.2017 13:13

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az