"Bizim Market" MMC, bu gün Marja.az saytında dərc edilmiş Azərbaycan Qida Təhlükəsizlik Agentliyinin sədri Qoşqar Təhməzlinin "Bizim Market" AQTA-nı günahlandıra bilməz" açıqlamasına münasibət bildirib.

Marja.az-ın sorğusuna cavab olaraq "Bizim Market" şirkətindən bildirildi ki, "Bizim Market" AQTA tərəfindən uyğunsuz yağın aşkarlanmasında özü də zərərçəkən tərəfdir. Burada söhbət maddi, həm də mənəvi zərərdən gedir. Çünki bu məhsula görə istehsalçıya 128 min 700 manat ödəniş edilib (elktron-qaimənin fotosu aşağıda əlavə edilib).

“SN Qida Təhcizat” MMC adlı şirkət "Bizim Market"ə çox peşəkarcasına hazırlanmış saxta sertifikat təqdim edib və dövlətin rəsmi sənədini saxtalaşdırıb. Bu məsələ ilə bağlı "Bizim Market" hadisədən dərhal sonra rəsmi açıqlama yayıb və bundan sui-istifadə edən media qurumlarının bu addımından təəssüfləndiyini bildirib.

Bundan başqa "Bizim Market" MMC bu kimi halların baş verməməsi üçün AQTA ilə hər zaman daimi əməkdaşlığa və birgə əməkdaşlıq nəticəsində bu formada yararsız məhsul istehsal edən, sertifikatları saxtalaşdıran “istehsalçı”lara qarşı mübarizə aparmağa hər zaman hazırdır.

Xatırladaq ki, dünən "Bizim Market" açıqlamasında bildirmişdi:

"Qida Təhlüksəzilik Agentliyi adından verilən sertifikatın doğru və ya saxta olduğunu yoxlamaq üçün isə bu gün heç bir vasitə yoxdur. Bunun üçün çox yaxşı olardi ki, AQTA istehsalçılara verdiyi sertifikatları öz saytında yerləşdirsin. Supermarketlər də məhsul alarkən ona təqdim olunan sertifikatı agentliyin saytından yoxlasın və bu kimi hallar baş verməsin. Çünki heç bir supermarketin labaratoriyası yoxdur ki, aldığı hər bir məhsulu labaratoriyada yoxlayıb alsın".

Qida Təhlükəsizlik Agentliyinin sədri Qoşqar Təhməzli də "Bizim Market"in açıqlamasına münasibət bildirərək deyib: 

"Bizim Market" bu məsələdə AQTA-nı günahlandıra bilməz. "Hər hansı bir cinayətkar sertifikatı elektron tətbiq vasitələrindən istifadə edərək, saxtalaşdırıbsa, həmin saxta yağı qablaşdırıb ticarət şəbəkəsinə veribsə, bunun AQTA ilə nə əlaqəsi var? Bizim saytda şirkətlərin reyestri var və biz həmin şirkətlərin Azərbaycana idxal olunan məhsullar barədə məlumat veririk. Hər hansı bir ticarət şəbəkəsi bununla maraqlansa, o zaman bilər ki, saxta mal var, ya yoxdur. Biz bu faktla bağlı "Bizim Market"i günahlandırmamaışıq. Açıqlamamızda da bildirdik ki, burada sırf cinayət qrupa iştirak edib və SN Qida Təchizat” MMC tərəfindən təqdim olunan Qida Təhlükəsizliyi sertifikatı (“İdxalçı müəssisənin adı və ünvanı”, “göndərən müəssisənin adı və ünvanı”, “mənşə ölkəsi”, “yüklənmə yeri”, “istehsalçının adı və ünvanı bölmələri”) saxtalaşdırılıb".

HƏMÇİNİN OXU: "Bizim Market" AQTA-nı günahlandıra bilməz" - SƏDRDƏN AÇIQLAMA

HƏMÇİNİN OXU: ""Bizim Market" də aldadılıb" - AÇIQLAMA

HƏMÇİNİN OXU: Azərbaycanda satılan "kərə yağına" Belarus şirkəti sahib çıxmadı - BÖYÜK SAXTAKARLIQ