"Marja"nın xəbər verdiyi kimi şadlıq evlərinin sahibləri müqaviləsiz və ya qəzb almamış ofsiantları işə cəlb etməyin və buna görə nəzərdə tutulmuş 6 min manatadək maliyyə sanksiyalarından yayınmağın yolunu müəyyən ediblər. 

Belə ki, şadlıq evi bir toyun keçirilməsi üçün toy sahibinə (vergidə uçotda olmayan sifarişçiyə) icarəyə verilir. Şadlıq evi ilə toy sahibi arasında icarə müqaviləsi bağlanılır. Şadlıq evini bir günlük icarəyə götürən toy sahibi ofisiantları, aşbazları, musiqiçiləri də özü cəlb edir. “Cəlb edir” dedikdə, əksər hallarda həmin şəxslər şadlıq evi ilə əməkdaşlıq edən ofisiantlar, aşbazlar və musiqiçilər olurlar. Danışığa və icarə müqaviləsinə əsasən, onlar şadlıq evi tərəfindən deyil, toy sahibi tərəfindən işə cəlb edilirlər. Toy sahibi vergi ödəyicisi deyil, vətəndaşın bir toya görə VÖEN alması da düzgün olmaz. Vergi işçiləri yoxlama apararaq qəbz almayan ofisiantların işə cəlb edildiyini müəyyən etdikdə şadlıq evinə sanksiya tətbiq edə bilməyəcək. Bu zaman şadlıq evləri icarə müqaviləsini vergi işçilərinə təqdim edəcək və ofisiantların işə icarədar tərəfindən cəlb edildiyini bildirəcəklər. Toy sahibi isə vergi ödəyicisi olmadığından, yəni uçotda olan sifarişçi olmadığından onu məsuliyyətə cəlb etmək mümkün deyil. Beləliklə, vergi orqanı sadələşdirilmiş vergi üzrə sabit məbləğ və məcburi dövlət sosial sığorta haqq üzrə hədəflərinə nail olmaya bilər.

Nazirliyin Vergi Siyasəti Baş İdarəsinin şöbə rəisi Rəşad Nuriyev bildirib ki, mövcud qanunvericiliyə əsasən, şadlıq evinin icarəyə verilməsi, o cümlədən bir günlüyə icarə verilməsi qanun pozuntusu sayılmır və buna görə maliyyə sanksiyası nəzərdə tutulmur: "Ola bilər şəxs şadlıq evini icarəyə versin, bu zaman icarəyə verən tərəfə maliyyə sanksiyasını tətbiq etmək nəzərdə tutulmur". 

R.Nuriyvin sözlərinə görə, bu vəziyyətdə əsas tələb şadlıq evində çalışan personala aiddir, yəni onların sabit ödəmə qəbzinin təqdim edilməsidir – bu da Bakıda çalışan işçilər üçün ayda 20 manat sabit vergi deməkdir. "Əlbəttə bu tələb pozularsa, əvvəlcə həmin məbləğin 40%-i, ikinci dəfə isə 100 faizi qədər cərimə nəzərdə tutulub".

Amma əgər bu tələblər pozulmasa, heç bir prblem yoxdur və yuxarıda göstərilən qaydada ödənişlər həyatm keçirilər və bu vergi baxımdan pozuntu sayılmayacaq: "Bu zaman heç bir problem yoxdur, əsas diqqət yetirilən məsələ, xidmət göstərən həxslərin yəni ofisiantların və digərlərinin sabit qəbz təqdim etməsidir. Burada əsas məqsəd bu sahədə səmərəli vergi mexanizminin qurulmasıdır". 

Bu vəziyyətin şadlıq evlərinin daha kiçik məbləğdə vergi ödəməsinə şərait yaratmasına gəlincə, nazirlik rəsmisi bildirib ki, əgər qanunvericiliyin tələblərinə əməl olunsa, əlavə maliyyə itkisinə məruz qalmayacaqlar, çünki vergilər nazirliyinin siyasəti cəza siyasəti deyil, əsas odur ki, qanuna əməl olunsun". 

YATIRIM İNDİ DAHA RAHAT

© Marja, FED