"Həmin ərazilərdə tikinti işləri aparılmasının qarşısı alınmalıdır"
Badamdar, 20-ci sahə arasında olan magistral avtomobil yolunun sağ yamacındakı sürüşmə ərazisində aktivlik qalmaqdadır. Ümumilikdə, son illərdə Bakının torpaq sürüşməsi təhlükəsi olan ərazilərində dəfələrə analoji hadisələr baş verib. Ən çox aktivlik müşahidə olunan ərazilərdən biri də Bayıl qəsəbəsidir. Burada baş verən torpaq sürüşmələri digər fəsadlarla yanaşı, paytaxtın giriş yollarından birinin sıradan çıxması ilə nəticələnir.
Ötən gün Badamdar qəsəbəsi-20-ci sahə arasında olan magistral avtomobil yolunun sağ yamacındakı sürüşmə nəticəsində də həmin yoldan istifadə tamailə dayandırılıb.
Mütəxəssislər hesab edirlər ki, bu cür sürüşmə aktivliyinin yaranması təbii amillərdən daha çox insan fəaliyyətinin nəticəsində yanarır.
Azərbaycan Milli Elmlər Akademiyasının (AMEA) H.Ə.Əliyev adına Coğrafiya İnstitutunun “Geomorfologiya və təbii risklər” şöbəsinin əməkdaşı, coğrafiya üzrə fəlsəfə doktoru Rəfail Abdullayev açıqlamasında deyib ki, insan fəaliyyəti sürüşmə təhlkəsi olan ərazilərində aktivliyin artmasına və sürüşmələrə səbəb olur.
Onun fikrincə, Bakının Səbail rayonu ərazisində baş verən sürüşmənin də əsas səbəbləri bu faktorla bağlıdır:
“Sürüşmə təhlükəsi olan ərazidə tikinti işlərinin aparılması, xüsusilə, tikinti normativlərinə əməl edilməməsi sürüşmə zonasının həddən artıq yüklənməsinə səbəb olur. Bununla yanaşı, kanalizasiya sularının bu əraziyə axıdılması aktivliyi sürətləndirir və prosesə təkan verir”.
Mütəxəssis deyir ki, bu kimi ərazidə tikinti işlərinin aparılması yolverilməzdir. “Təsəvvür edin ki, yamacın ətəyində qazıntı işi aparırsansa, yuxarı hissədəki torpağın sürüşərək, həmin yeri tutması qaçılmazdır. Çünki yerin strukturu və dayanıqlığı itir və torpaq sürüşərək aşağı tökülür”.
R.Abdullayein sözlərinə görə, bundan sonra həmin ərazilərdə tikinti işləri aparılmasının qarşısı alınmalıdır ki, torpağın dayanıqlılığı qalsın.
AMEA əməkdaşı bildirir ki, sürüşmə zonasının aktivləşməsinə təbii amillərin də təsiri var, ancaq, insan fəaliyyəti nəticəsində təsiretmə ilə müqayisədə arxa planda qalır.
Məsələ ilə bağlı rəsmi qurumlar münasibət bildirmək istəməyib.
Qeyd edək ki, bu ərazinin sürüşmə təhlükəsində olduğu məlum olsa son onilliklər ərzində burada çox sayda yaşayış evləri və obyektlər tikilib.
Son illərdə artan aktivlik sürüşmə təhlükəsi bu ərazidə tikilən evlərdə yaşayan insanların da həyatını riskə atır. Bu səbəbdən, ötən il Səbail rayonu, Bayıl sürüşmə zonasında yaşayan 92 ailənin köçürülməsi üçün sərəncam imzalanıb. Həmin ailələrin hər biri müvafiq qaydada kompensasiya nəzərdə tutulub və bu məqsədlə 9 201 533 manat vəsait ayrılıb.
Ortaya çıxan mənzərə oldur ki, vəzifəli şəxslərin maddi və ya başqa maraq qarşılığında özbaşına tikililərin kütləviləşməsinə yol verməsi, insanların həyatını risk qarşısında qalması və dövlətin milyonlarla əlavə xərcə düşməsi ilə nəticələnir.
© “Report”
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
11 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
11 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
12 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
12 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 12 saat əvvəl
- 13 saat əvvəl
-
13 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
13 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 15 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























