“PAŞA Həyat Sığorta”nın dəstəyi ilə kitabların təqdimatı keçirilib

“PAŞA Həyat Sığorta”nın dəstəyi ilə kitabların təqdimatı keçirilib

“PAŞA Həyat Sığorta”nın dəstəyi ilə kitabların təqdimatı keçirilib

(®) Dekabrın 16-da “JW Marriott Absheron” otelində “PAŞA Həyat Sığorta” şirkətinin dəstəyi ilə “Gəncə - Nizami yurdu”, “Qədim və gözəl Qarabağ” və “Azərbaycan inciləri” adlı kitablarının təqdimatı keçirilib.

VTB-də minimal faiz dərəcəsi ilə nağd kredit 10.49%-dən

Yeni nəşrlər Azərbaycan mədəni irsinin, adət-ənənələrinin, çoxsaylı abidələrinin beynəlxalq miqyasda tanıdılması və təbliği məqsədilə Mədəniyyət Nazirliyi, “PAŞA Həyat Sığorta” ASC və “IRS Publishing House”un 2013-cü ildən birgə həyata keçirdiyi “İrs” silsiləsi layihəsi çərçivəsində ərsəyə gəlib.

Tədbirdə Mədəniyyət naziri Əbülfəs Qarayev, "Paşa Həyat Sığorta" ASC-nin İdarə Həyətinin sədri Niyaz İsmayılov, layihə rəhbəri, Əməkdar jurnalist Musa Mərcanlı, "Gəncə Nizami yurdu" kitabının elmi redaktoru, Şuşa Şəhər İcra Hakimiyyətin başçısı Bayram Səfərov və başqaları çıxış edərək tədbirin əhəmiyyətindən söz açıb, layihənin önəmini vurğulayıblar.

Azərbaycanın ikinci böyük şəhəri, tarixi və mədəni irsi zəngin, bir çox dahilərin vətəni olan Gəncə haqqında isə “Gəncə - Nizami yurdu” adlı kitab hazırlanaraq oxucuların ixtiyarına verilib.

Qarabağ mövzusunda layihə çərçivəsində işıq üzü görən “Qədim və gözəl Qarabağ” kitab 2016-cı ildə nəşr edilmiş “Qarabağ - əsirlərin salnaməsi”nə ictimaiyyətin xüsusi marağı nəzərə alınaraq çap edilib.

"Azərbaycan inciləri” kitabı Heydər Əliyev Fondunun, şəxsən Mehriban xanım Əliyevanın dəstəyi ilə xüsusi olaraq UNESKO-nun Dünya İrs Komitəsinin 43-cü sessiyası üçün fransız və ingilis dillərində hazırlanıb.

Qeyd edək ki, layihə çərçivəsində indiyədək “Qədim qalanın yuxuları”, “Qobustan – minilliklər kitabı”, “Təbrizin sehrli nağılları”, “Naxçıvan – Şərqin əfsanəsi”, “Məftun edən şəhər”, “Bakı simfoniyası”, “Daş keşikçilər”, “Qarabağ – əsirlərin salnaməsi” adlı kitablar işıq üzü görüb.

18.12.2019 08:11

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az