Birləşmiş Millətlər Təşkilatı, qlobal istiləşmənin bu əsrdə sürətli bir şəkildə arta biləcəyi və bunun "dağıdıcı" nəticələr doğura biləcəyi xəbərdarlığını edib. 

Birləşmiş Millətlər Təşkilatının (BMT) Ətraf Mühit Proqramı (UNEP), İspaniyanın paytaxtı Madriddə gələn həftə başlayacaq BMT İqlim Zirvəsindən əvvəl açıqladığı yeni hesabatında iqlim dəyişikliyinə dair əhəmiyyətli xəbərdarlıqlar edib.

"Marja" xəbər verir ki, UNEP, istixana qazı sıxlığının 2018-də rekord səviyyələrə çatmasının ardından qlobal istiləşmənin bu əsrdə sürətli bir şəkildə arta biləcəyi və bunun nəticəsində ortaya çıxacaq iqlim dəyişikliyinin "dağıdıcı" nəticələr doğura biləcəyi xəbərdarlığını edib.

Hesabatda, ölkələrin Paris İqlim Razılaşmasıdakı öhdəliklərini gücləndirmək məcburiyyətində olduqları 2020-ci ilə saylı günlər qalmış, 2020-ci il ilə 2030-cu il arasında qlobal istixana qazı sıxlığının hər il 7,6% azaldılması lazım olduğu vurğulanıb, əks halda, razılaşmanın 1,5 dərəcə hədəfinin reallaşdırılması fürsətinin qaçacağına diqqət çəkilib.

UNEP hesabatında, Paris İqlim Razılaşmasındakı bütün öhdəliklər yerinə yetirilsə belə qlobal miqyasda havanın tempraturunun 3,2 dərəcə artacağı, bunun da daha geniş və dağıdıcı iqlim dəyişikliklərinə gətirib çıxaracağı xəbərdarlığı edilib. 

Dünya Meteorologiya Təşkilatı (WMO) yaydığı hesabatda, iqlim dəyişikliyinin ana faktorlarından atmosferdəki istixana qazı sıxlığının 2018-də rekord səviyyələrə çatdığını açıqlamışdı.

Hesabatda, 2017-ci ildə 405,5 ppm olan atmosferdəki karbon 4 oksid (CO2) konsentrasiyasının, 2018-də 407,8 ppmə çıxdığı yazılmışdı.

Hesabatda, karbon 4 oksidin atmosferdə əsrlər ilə, okeanlarda isə daha da uzun müddət qaldığı xəbərdarlığı edilmişdi.

Hesabatda, "Yeni nəsillər, yüksələn hava istiləşmələri, pis hava şərtləri, su stressi, dəniz səviyyəsinin yüksəlməsi ilə dəniz və quru ekosistemlərində pozulma kimi iqlim dəyişikliyinin gedərək daha ciddi təsirləri ilə qarşılaşacaqlar" deyilir.