Bu həftə ABŞ-ın əmək bazarı və Avropanın iqtisadi inkişafı ilə bağlı yayımlanacaq önəmli göstəricilər, Breksit müzakirələri diqqət mərkəzində olacaqdır.

EUR

Avropa mərkəzi bankının faizlərini daha da azalda biləcəyi ehtimalları və bank sektorunda müşahidə edilən durğunluq, Avrozona iqtisadiyyata da mənfi təsir edir. Bu, avronun ucuzlaşmasına səbəb olmaqla yanaşı, növbəti eniş dalğası üzrə proqnozları da gücləndirir. Təhlillərə əsasən, 1.10$-ın altında ticarət edilən EUR/USD məzənnəsi, 1.09$-a kimi də ucuzlaşa bilər. 

Cümə günü Bakı vaxtı ilə saat 13:00 və 16:30-da müvafiq olaraq dərc ediləcək Avrozonanın iqtisadi inkişaf və Amerikanın əmək bazarına dair önəmli fundamental məlumatlar da investorların diqqət mərkəzindədir. 

GBP

Avqust ayında 2.5% bahalaşan GBP/USD məzənnəsi, bu həftə İngiltərə parlamentində gözlənilən Breksit müzakirələri fonunda yenidən ucuzlaşmağa başlayıb. Baş nazirin rəqibləri ilə müzakirələri ləğv etməsi, ölkədə siyasi riskləri artırmaqla yanaşı, funt sterlinqin də 1.21$-a kimi ucuzlaşmasını proqnozlaşdırmağa əsas verir. 

TRY

Türkiyənin xarici siyasətində risklərin artması, USD/TRY məzənnəsinə də mənfi təsir edir. Məzənnənin bahalaşması, xarici ticarətində mənfi saldonun və dövlət borcunun artmasına təsir edir ki, beləliklə əlavə risklər yaranır. Dollar/Lirə məzənnəsi 5.88TL-ni yuxarı istiqamətdə qırarsa, 6.03TL-yə kimi də bahalaşa bilər. 

Çərşənbə axşamı saat 11:00-da Türkiyədə inflyasiya ilə bağlı dərc ediləcək önəmli göstəricilər də böyük maraqla gözlənilir. 

OIL

Qlobal siyasi və iqtisadi risklərin növbəti mərhələyə yüksəlməsi, enerji birjalarında neftə olan tələbin də azalmasına səbəb olub. Lakin Avropanın Brent neftinin avqust ayı ərzində 61-58$ aralığında ticarət edilməsi, cari qiymətlərin güclü dəstək səviyyələri olmasına işarədir və bu aralıqda ticarətə davam edə biləcəyi də proqnozlaşdırılır.

Cümə axşamı saat 19:00-da açıqlanacaq Amerikanın neft və benzin ehtiyatları ilə bağlı önəmli fundamental məlumatların da qiymətlərə güclü təsir edəcəyi gözlənilir.

GOLD

Əlvan metallar bazarlarında dünyanın mövcud siyasi və iqtisadi vəziyyətində liman maliyyə alət kimi qızıla olan tələbin yüksək qaldığı müşahidə edilir. Təhlillərə əsasən, bir unsiya üzrə qiymət 1540$-ı (49.5 $/qram) yuxarı istiqamətdə qırarsa, 1588$-a (51.1 $/qram) kimi də dəyər qazana bilər. 

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.