ABŞ Mərkəzi Bankının (Fed) üç regional rəhbəri, ABŞ iqtisadiyyatının aşağı faizə ehtiyacı olduğu barədə fikirlərə qarşı çıxır, dördüncüsü isə məcbur qalmadıqca faiz endiriminə gedilməməsi lazım olduğunu düşünür.
 

"Marja" xəbər verir ki, bu açıqlamalar, təkrar faiz endirimi istəyən digər Fed rəsmiləri ilə kəskin mübahisələrin ola biləcəyinə işarədir. 
 

İnvestorlar Fed-in 17-18 Sentyabr toplantısında faizlərdə 50 bənd endirm olacağını gözləyirlər. Ancaq Fed-dəki müxalif səslər, aralarında ABŞ Prezidenti Donald Trampın da olduğu daha böyük miqyaslı bir addım gözləyənlərin ümidlərini azalda bilər.
 

Fed sədri Cerom Pauel (Jerome Pauell), Cümə günü Vayominqdə keçiriləcək illik simpoziumda edəcəyi çıxışında bu məsələ haqqında bəzi ipucları verə bilər.
 

Fed-in Kanzas Siti şöbəsinin sədri Esther George, "Bloomberg Television"a Cümə axşamı günü verdiyi açıqlamasında, "İqtisadiyyatın harada olduğuna baxanda, mənzərənin iqtisadiyyatın daha da zəifləməkdə olduğunu işarə etdiyini görmədən, faizlərin əlavə azaldılmasının hələ vaxtı deyil və buna hazır deyiləm" deyib.
 

Fed-in Filadelfiya şöbəsinin sədri ədri Patrick Harker də Cümə axşamı günü etdiyi açıqlamada, İyuldakı faiz endirimini "bir az könülsüz" qəbul etdiyini və faizin bir müddət sabit saxlanılması lazım olduğunu düşündüyünü bildirib.
 

PULSUZ SEMİNARA QATIL, QAZANMAĞI ÖYRƏN!

Harker, CNBC televiziyasına verdiyi müsahibədə, "İndilərdə neytral vəziyyətin olduğu yerdəyik və bir müddət burada qalıb vəziyyətin necə inkişaf edəcəyini görməyimiz lazım olduğunu düşünürəm", - deyib.
 

Cümə axşamı günü, Dallas Fed sədri Robert Kaplan da etdiyi açıqlamada, 17-18 Sentyabrda keçiriləcək növbəti Fed toplantısında faiz endiriminə gedilməsi barədə narazılığını dilə gətirib.
 

Kaplan, CNBC-yə verdiyi açıqlamasında, "Əlavə addım atılmasından çəkinilməsini istəyirəm, ancaq əgər ehtiyac olarsa, ən azından qarşıdakı bir neçə ayda addım atılması məsələsinə açığam" deyib.
 

Boston Fed sədri Eric Rosengren də 19 Avqustda Bloomberg TV-yə etdiyi açıqlamada, əlavə faiz endiriminə qarşı olduğunu dilə gətirmişdi.

TRAMP FAİZLƏRİN KƏSKİN AZALDILMASINI İSTƏYİR

ABŞ Prezidenti Donald Tramp, iqtisadi artım üçün tək problemin Fed sədri Cerom Pauel (Jerome Powell) ilə Fed olduğunu bildirib. 

Tramp, Fed sədrinin böyük bir faiz endiriminə gedərək "doğru şeyi etməsi vəziyyətində" ABŞ-ın güclü iqtisadi artım qeyd edəcəyini bildirib.

ABŞ Prezidenti Twitter hesabında yazdığı açıqlamasında, "Fed ən azı 100 bənd faiz endirməlidir" ifadəsini də işlədib.

Tramp "Dollar o qədər güclüdür ki, dünyanın bir çox bölgəsinə çox təəssüf ki, zərər verir. Fed olduqca qısa bir müddət ərzində faizi ən azı 100 bənd azaltmalıdır. Əgər bu reallaşsaydı, həm ABŞ iqtisadiyyatı, həm də dünya iqtisadiyyatı daha güclü olardı" deyib.

Qeyd edək ki, hazırda Fed-in faizi 2 - 2.25% aralığındadır. Əgər 100 bənd endirim olsa faizlər 1 - 1.25% aralığına düşər.