“Araz Supermarket” kassada parça paket satışına başlamasını şərh etdi
Ötən gündən “Araz” supermarketlərində alış-veriş edən müştərilərə kassada 1 manata parça çanta da təklif olunur. İndiyədək polietilen paketlərdən ödənişsiz istifadə edən alıcıların çoxu parça çanta satışı barədə ətraflı məlumat almaq istəyirlər. Hətta bir sıra alıcılar yaxın gələcəkdə “Araz” supermarketlərində müştərilərə sellofan (plastik) torbalar verilməyəcəyini və 1 manat ödəyib parça çanta almaq lazım gələcəyini düşünür.
Məsələ ilə bağlı çoxsaylı suallar olduğundan “Araz Supermarket” şirkətinə müraciət etdik.
“BİZ YERLİ ŞƏBƏKƏ OLARAQ İLK ADDIMI ATDIQ”
Şirkətin İctimaiyyətlə əlaqələr üzrə məsul şəxs Billurə Əmirova “Marja”ya bildirdi ki, “Araz Supermarket” polietilen paketlərin alıcılara ödənişsiz verilməsini dayandırmır, parça çantaların satışında məqsəd təbiət üçün zərərli olan plastik paketlərdən istifadəni azaltmaqdır:
“BMT- nin “Qlobal məqsədlər” adlanan Dayanıqlı İnkişaf Məqsədləri mövcuddur ki, özündə 17 məqsədi əhatə edir. 2016- cı ildən qüvvəyə minən Dayanıqlı İnkişaf Məqsədləri təhsil, sosial müdafiə və məşğulluq imkanları da daxil olmaqla geniş spektrli sosial ehtiyacları və bununla yanaşı, iqlim dəyişikliyi ilə mübarizə və ətraf mühitin mühafizəsini ön plana çəkir. Qlobal məqsədlərdən üçü məhz ətraf mühitin mühafizəsi ilə bağlıdır.
Araz Supermarketlər Şəbəkəsi olaraq ətraf mühitin mühafizəsinə həssaslıq nümayiş etdirmək istəyirik. Məlumat üçün bildirik ki, Araz Supermarketlər Şəbəkəsində təndir çörəyi, un məmulatlar kağız paketlərdə təklif olunur.
Bu gün dünyada bu istiqamətdə maraqlı trendlər mövcuddur, ətraf mühitin mühafizəsi ölkəmizdə də kifayət qədər həssas mövzudur.
Biz də yerli şəbəkə olaraq bu istiqamətdə ilk addımı atdıq. “Təbiəti qorumaq mənim əlimdədir” devizi ilə müştərilərimizi polietilen paketlərdən istifadəni azaltmaqla təbiətə töhvə verməyə səsləyirik.
“BU PAKETLƏR BİRDƏFƏLİK DEYİL”
Bəli, müştərilərimiz Araz marketlərə daxil olarkən polietilen paketlərlə yanaşı parçadan hazırlanmış eko paketlərlə qarşılaşacaqlar. Biz dəyərli müştərilərimizə xüsusi dizaynda tərtib edilmiş, nəinki alış-veriş zamanı, hətta gündəlik həyatlarında da istifadə edə biləcəkləri parça paketlər təklif edirik. Onu da deyim ki, eko çantalar uzun müddətli istifadə üçün nəzərdə tutulub. Yəni bu paketlər birdəfəlik deyil. Hətta, dənizkənarına, piknikə, istirahətə gedəndə də bu paketlər əlimizdən tuta bilər".
“Araz Supermarket” gələcəkdə müxtəlif dizaynda və ölçüdə eko paketlər də təklif etməyi nəzərdə tutur.
Qeyd edək ki, eko çantalar ilkin olaraq şəbəkənin 15 filialında satılır.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
10 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
10 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
11 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
11 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 12 saat əvvəl
-
12 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
12 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 14 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























