Amerika Mərkəzi Bankı (Fed) 11 il fasilədən sonra faiz endirdi. 

Qlobal bazarların səbirsizliklə gözlədiyi faiz qərarı açıqlandı.

"Marja"nın məlumatına görə, ABŞ Mərkəzi Bankının 2 gün davam edən iclası başa çatıb. İclasda faizin 2.50%-dən 2,25%-ə endirilməsi barədə qərar verilib.

Beləliklə, Fed faizi 0,25 faiz bəndi azaldıb və faizlər 2.25-2.50% aralığından 2.00-2.25% aralığına düşüb. Analitiklər də Fedin 0,25 bənd faiz endirəcəyini gözləyirdilər.

Fed faiz endirməsinə səbəblər olaraq qlobal prosesləri və zəif inflyasiyanı göstərib.

Fed balansın azaldılmasını 1 avqustda dayandıracaq. 

Yavaşlayan iqtisadi artım sürəti, aşağı inflyasiya və ABŞ Prezidenti Donald Trampın tənqidləri Fed-i yenidən faiz endirməyə məcbur edirdi. Tramp, faiz artırmaqla Fed-in səhv etdiyini bildirir və tezliklə faizi aşağı salmağa çağırırdı. 

Fed-in faiz azaltmasının səbəblərindən biri ticarət müharibələrinin mümkün təsirinin ölkəni iqtisadi böhrana sala biləcəyi ehtimalıdır.

Fed sonuncu dəfə faizi 2018-ci ilin Dekabr ayındakı toplantısında artırmışdı. Növbəti toplatılarda Fed rəsmiləri 2019-cu il üçün proqnozlarını mərhələli olaraq azaltmağa başlamışdılar. İyun toplantısında isə faiz endirimi siqnalı verilmişdi.

Fed sonuncu dəfə qlobal böhran zamanı, 1 May 2008-ci il tarixində faizləri 0.25 bənd aşağı salmışdı. Beləliklə, Fed-in Federal Açıq Bazar Komitəsi (FOMC), 2015-ci ilin sonunda başladığı sərt pul siyasətinə fasilə verdi. 

Qərarın ardından Dollar Avro qarşısında təxminən 0,8% bahalaşıb və Avro/Dollar məzənnəsi 1.1069 səviyyəsini test edib. 

Fed-in açıqlamasında qeyri-müəyyənliklərin davam etdiyi bildirilib, Bankın vəziyyətə uyğun şəkildə hərəkət etməyə davam etdirəcəyini qeyd olunub.
 

Əhalinin xərcləmələrinin artdığı bildirilən Fed-in açıqlamasında, iqtisadiyyatın mülayim bir sürətdə artmaqda davam etdiyi və məşğulluq bazarının güclü vəziyyətdə olduğu vurğulanıb.

 
Ümumi və baza inflyasiyanın Fed-in hədəfi olan 2 faizdən aşağı olduğunun altından xətt çəkilib.