Hotellər Novruz bayramı günləri üçün qiymətlərini qaldırıblar
Azərbaycanda hotellər Novruz bayramı günləri üçün xidmətlərin qiymətlərini maya dəyərindən 4-5 dəfə çox qaldırıblar.
Bunu Azərbaycan Turizm Assosiasiyası (AzTA) sədrinin müşaviri Müzəffər Ağakərimov deyib.
Onun sözlərinə görə, Novruz bayramı günləri üçün hotellərdəki qiymət artımı həm Bakıda, həm də regionlarda müşahidə edilir: “Bakıdakı hotellər yerlərini daha çox xarici turistlər üçün artırıblar. Regionlardakı hotellər isə ümumiyyətlə, hamı üçün qiymətlərini artırıb. Bayramdan əvvəlki günlər üçün 40-50 manata olan qiymətlər bayram günləri üçün 70-80 manata qaldırılıb. Bu qiymətə hoteldə 1 gecə qalmaq və səhər yeməyi daxildir”.
Qiymətlərin qaldırılmasını düzgün saymayan M.Ağakərimov bildirib ki, hotellər qəbul etdikləri turistlərin sayının daha çox olması üçün düzgün marketinq siyasəti aparmalıdırlar:
“Lakin hotellərin əksəriyyəti düzgün marketinq siyasəti aparmır. Biz tövsiyə edərdik ki, onlar Türkiyə, Avstriya və digər ölkələrin təcrübəsindən istifadə edərək həm qiymət siyasətlərini düzgün həyata keçirsinlər, həm də turistlər üçün əlavə xidmətlər təşkil etsinlər”.
Qiymət siyasətinin dəyişməsi üçün rəqabət mühitinin artmasını vacib sayan M.Ağakərimov bildirib ki, rəqabətin artması üçün Azərbaycanda hotel çatışmazlığı problemi aradan qaldırılmalı, yeni hotellər tikilməlidir.
M.Ağakərimov əlavə edib ki, hazırda Azərbaycanda 535 hotel fəaliyyət göstərir. O qeyd edib ki, həmin hotellərin 146-sı Bakı və Abşeron yarımadasının payına düşür.
Mədəniyyət və Turizm Nazirliyinin informasiya və ictimaiyyətlə əlaqələr şöbəsinin müdiri Vüqar Şixəmmədov isə bildirib ki, mehmanxanalar sahibkarlıq subyektləri olduqlarından onlar qiymət siyasətlərinin müəyyən edilməsində müstəqildirlər:
“Lakin biz də maraqlıyıq ki, ölkəyə gələn turistlərə, eyni zamanda ölkənin regionlarında istirahət edən Azərbaycan vətəndaşlarına münasib qiymətlər təklif olunsun. Sahibkarlıq subyektləri ilə keçirilən görüşlərdə bununla bağlı dəfələrlə nazirliyin rəhbərliyi tərəfindən müvafiq tövsiyələr verilib. Lakin qiymətləri bazar özü formalaşdırır və rəqabət artdıqca qiymətlər aşağı düşməlidir”.
Qeyd edək ki, Azərbaycanda Novruz bayramı martın 20-21-də qeyd edilir. Novruz bayramı ilə əlaqədar Azərbaycanda ardıcıl olaraq, 9 gün iş günü olmayacaq.
© Trend
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























