Qəzaya düşmüş iş adamı "Hacı Mazan " təcili yardım avtomobili ilə paytaxt xəstəxanalarından birinə köçürülüb. 

Məlumata görə, onun idarə etdiyi avtomobilinin təkəri partlayıb və avtomobil yük maşını ilə toqquşub. 

Faktla bağlı araşdırmalar davam etdirilir.

***

Biləsuvar rayonunda iki nəfərin xəsarət alması ilə nəticələnən yol qəzası baş verib. 

Hadisə Ələt-Astara yolunun rayon ərazisindən keçən hissəsində qeydə alınıb.

Belə ki, "Range Rover" markalı minik avtomobilinin aşması nəticəsində 1959-cu il təvəllüdlü Ramazan Hüseyn oğlu Zeynalov və 1987-ci il təvəllüdlü Rəşad Ramiz oğlu Kərimov xəsarət alıb. 

Yaralılar dərhal xəstəxanaya yerləşdirilib. 

Faktla bağlı araşdırma aparılır. 

Qeyd edək ki, Ramazan Zeynalov "Hacı Mazan" ləqəbi ilə tanınır. O, Qafqaz Müsəlmanları İdarəsinin (QMİ) sədri Şeyxulislam Allahşükür Paşazadənin yaxın qohumudur. Hacı Mazan iş adamıdır.

***

Səhiyyə Nazirliyi bu gün qəzaya düşən iş adamı Hacı Mazanın səhhəti ilə bağlı açıqlama yayıb.

Nazirliyin mətbuat xidmətindən bildirilib ki, Hacı Mazan sağ budun sınığı və qapalı kəllə beyin travması ilə xəstəxanaya yerləşdirilib. Ona ilkin tibbi yardım göstərilib.

Xəstə yaxınları öz istəkləri ilə onu xəstəxanadan çıxararaq paytaxt xəstəxanalarından birinə aparıblar.

***

Bu gün səhər saatlarında Ələt-Astara avtomobil yolunun Biləsuvar rayonundan keçən hissəsində iki nəfərin xəsarət alması ilə nəticələnən yol-nəqliyyat hadisəsi baş verib.

Məlumata görə, Hacı Mazan kimi tanınan, əslən Masallı rayonundan olan iş adamı Ramazan Hüseyn oğlu Zeynalovun xidməti “Range Rover”inin qəzaya uğraması nəticəsində özü və sürücüsü - 32 yaşlı Rəşad Ramiz oğlu Kərimov kəllə-beyin xəsarətləri ilə Biləsuvar Mərkəzi Rayon Xəstəxanasına yerləşdiriliblər.

Hadisənin “Range Rover”in təkərinin qəfildən sıradan çıxması ucbatından baş verdiyi deyilir.

Faktla bağlı araşdırma aparılır.

***

Məlumata görə, Hacı Mazan hazırda Biləsuvar Mərkəzi Rayon Xəstəxanasında reanimasiyadadır.

Onun yanına heç kəs buraxılmır və bu saatlarda xüsusi təcili yardım avtomobili ilə Bakıya gətiriləcəyi gözlənilir.

***

İş adamı çənə, bud nahiyyələrindən ciddi sınıq xəsarətləri alıb. 

Hadisə isə Bakı-Astara yolunda, Biləsuvar ərazisindəki körpünün yaxınlığında baş verib.

***

Hacı Mazan bu dəqiqələrdə xüsusi təcili yardım maşını ilə Bakıya göndərilib.

***

Qəza ilə bağlı yeni detal məlum olub. Belə ki, Hacı Mazanın olduğu “Range Rover” 1990-cı il təvəllüdlü Fətəliyev Seyran Kərim oğlunun idarə etdiyi "MAN" markalı yük avtomobili ilə toqquşub.

PULSUZ SEMİNARA QATIL, QAZANMAĞI ÖYRƏN!

© “Qafqazinfo”, Virtualaz, "Report"