"Cahangir Hacıyev işi": Ustanın adına 450 min dollar kredit götürülüb

"Cahangir Hacıyev işi": Ustanın adına 450 min dollar kredit götürülüb

"Cahangir Hacıyev işi": Ustanın adına 450 min dollar kredit götürülüb

Bu gün Bakı Ağır Cinayətlər Məhkəməsində mənimsəmədə təqsirləndirilən “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev, onun bacanağı İsmayıl Hidayət-zadə, sabiq deputat Dünyamin Xəlilov, Camal Həsənov, Sərxan Rəsulov, Natiq İmanov, Samir Hacıyev, Təbriz Əbdülhəmidov, Mahir Qafarov, Sadıx Murtuzayev, Tərlan Məhərrəmov, Fəxrəddin Heybətov, Ramin Əhmədov, Fariz Muradov, Səlahəddin Qədirov, Erxan Cavad, Arif Ramazanov, Navai Şirinov, Svetlana Əsədullayeva, Arif Mədətov, Adil Mikayılov, Ramis Kərimovun cinayət işi üzrə məhkəmə iclası davam etdirilib.

VTB-də yüksək depozit faizləri daha çox qazandırır

Hakim Faiq Qəniyevin sədrliyi ilə günün ikinci yarısında keçirilən prosesdə şahid qismində Arzu Qasımova ifadə verib.

O bildirib ki, "İntertekstil" şirkətində aşpaz köməkçisi işləyib, adına kredit götürülüb: "Şirkətin direktoru Şakir Musayev bizə dedi ki, şəxsiyyət vəsiqələrimizi götürüb Beynəlxalq Banka getməliyik. Sonra avtobus tutuldu və şirkətin 15-20 əməkdaşı ilə Bakıya gəlib, sənədlərə qol çəkdik".

Daha sonra şirkətdə 2008-ci ildən xadimətçi işləmiş Mehriban Abbasov dindirilib. O qeyd edib ki, 2010-cu ildə rəhbərliyin göstərişi ilə Beynəlxalq Banka aparılıb, müqavilə sənədinə qol çəkib.

Şirkətdə usta kimi çalışmış Mehdi Mehdiyev də şahid qismində verdiyi ifadəsində söyləyib ki, Beynəlxalq Bankda müqavilə sənədlərinə imza atıb, adına ümumilikdə 450 min dollar kredit götürülüb. O bildirib ki, şirkətin mühəndisi İlham Allahverdiyevin göstərişi ilə banka gedib: "Bizə həmin pulların zavodun inkişafına xərclənəcəyini deyirdilər".

Məhkəmənin növbəti iclası martın 18-nə təyin edilib.

PULSUZ SEMİNARA QATIL, QAZANMAĞI ÖYRƏN!

11.03.2019 15:07

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az