Mühüm məlumatlar açıqlandı - DOLLAR BAHALAŞDI

Mühüm məlumatlar açıqlandı - DOLLAR BAHALAŞDI

Mühüm məlumatlar açıqlandı - DOLLAR BAHALAŞDI

ABŞ-da kənd təsərrüfatı xaric məşğulluq və əməkhaqqı artımları sürətlənib. Bu vəziyyət 2019-da risklərin artmasına baxmayaraq, məşğulluq bazarının gücünü qoruduğunu göstərib.

ABŞ-da kənd təsərrüfatı xaric məşğulluq Dekabrda proqnozu aşıb.

"Marja" xəbər verir ki, ABŞ-da kənd təsərrüfatı xaric məşğulluq Dekabrda 312 min artıb. Proqnoz 178-184 min aralığında idi.

İşsizlik nisbəti isə 3.7% proqnoza qarşılıq 3.9% olub.

Ortalama saatlıq maaşın illik müqayisədə 3% artacağı gözlənərkən 3.2% artıb. Aylıq müqayisədə isə 0.3%-lik proqnozu aşaraq 0.4% artıb.

Məşğulluğun Oktyabr göstəricisi 237 mindən 274 minə, Noyabr göstəricisi də 155 mindən 176 minə dəyişdirilib.

Kənd təsərrüfatı xaric məşğulluğun proqnozdan yüksək olması və maaşların artması ilə əlaqədar olaraq Dollar bahalaşıb. Avro/Dollar məzənnəsi 1.1405 səviyyələrindən 1.1353 səviyyələrinə geriləyib (saat 18:30-a olan məlumat). Dollar Avro qarşısında 0,4% dəyər qazanıb.

Dolların 10 mühüm valyuta qarşısında dəyərini göstərən Bloomberg Dollar İndex 0,3% yüksələrək 1197.28 bəndə qalxıb. Dolların 6 mühüm valyuta qarşısında gedişini göstərən Dollar İndex də 0,3% artımla 96.56-ya çatıb (saat 18:40-a olan məlumat).

Proqnozlardan yüksək göstəricilər, Fed-in də dilə gətirdiyi sağlam məşğulluq bazarını təsdiq edir. Fed üzvləri ötən iclasda 2019-cu il üçün faiz artırımı gözləntilərini 2-yə endirmişdi.

İşə qəbullar və maaş artımlarının istehlakçı xərclərini dəstəkləyəcəyi bildirilir. Ancaq ABŞ - Çin ticarət müharibəsi, emal sektorunda zəifləmə və qlobal iqtisadiyyatda soyuma gözləntiləri ilə 2019-da məşğulluq bazarında bu trendin qorunmasının çətin olacağı da ifadə edilir.

04.01.2019 14:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az