Əmtəə bazarında ötən il investoruna ən çox qazandıran məhsul 27,6 faiz ilə kakao olub.

"Marja"nın əmtəə bazarında ticarət olunan 18 məhsulun qiymət hərəkətlərindən topladığı məlumatlara görə, dolların dəyər qazanması və ticarət müharibəsinin narahatlıqları ilə əmtəə bazarında bir çox məhsul keçən il ucuzlaşıb.

2018-ci ildə 14 məhsul investorunu zərərə salıb, yalnız 4 məhsul investorunun üzünü güldürüb. Kakao, qarğıdalı, palladium və buğda ötən il investoruna qazandırıb, şəkər, qəhvə, platin, qızıl, pambıq, soya, sink, mis, gümüş, alüminium, qurğuşun, nikel, Brent nefti və təbii qaz isə investorunu məyus edib.

Əmtəə bazarında ötən il investoruna ən çox qazandıran məhsul 27,6 faiz ilə kakao olub. Ötən il Qərbi Afrikada hava temperaturlarının mövsüm normalarından yüksək olması və yağışların az yağması kakao qiymətlərində artıma səbəb olub. Aşağı yağışlar səbəbindən kakaonun keyfiyyəti də aşağı olub.

PALLADİUMUN QİYMƏTİ, QIZILIN QİYMƏTİNİ KEÇİB

Əmtəə bazarında investoruna ən çox qazandıran digər məhsullar 19,3 faiz ilə palladium, 17,8 faiz ilə buğda və 6,9% ilə qarğıdalı olub.

Palladiumun unsiyasının qiyməti, 2002-ci ildən bu yana ilk dəfə ötən il qızılın unsiya qiymətini keçib. 

Əmtəə bazarında ötən il investoruna ən çox ziyan vuran məhsul 23,6 faiz ilə sink olub.

Sinkin ardınca, 20,6 faiz ilə şəkər, 19,2 faiz ilə qəhvə, 18,6 faiz ilə Brent neft, 18,2 faiz ilə qurğuşun, 16,5 faiz ilə alüminium, 16,4 faiz ilə mis, 14,3 faiz ilə nikel, 14,1 faiz ilə platin, 8,7 faiz ilə gümüş, 7,5 faiz ilə pambıq, 5,9% ilə soya, 3,4 faiz ilə təbii qaz və 1,5% ilə qızıl gəlir.

Mis, 2015-ci ildən bu yana ilk dəfə illik müqayisədə ucuzlaşıb. 

Qərbi Afrikanın dünyanın ən böyük kakao istehsalçısıdır və dünya kakao istehsalının təxminən  75%-ini həyata keçirir. Qərbi Afrikadakı istilər səbəbindən yağışların az yağması kakao istehsalının və keyfiyyətinin aşağı olmasına səbəb olub. Kakaonun keyfiyyətinin aşağı olması, şokoladın keyfiyyətinə də təsir edir.  Şokolad istehsalçıları yüksək keyfiyyətli kakao tələb edir. Lazımi keyfiyyətdə kakao olmayanda keyfiyyətli kakao üçün ödənilən qiymət də qalxır.

Qlobal şokolad istehlakının 2018-2019 mövsümündə 7,7 milyon tona çatacağı gözlənilir. Bu da daha çox kakao istehlakı deməkdir. Qısacası güclü tələbat davam edir. Xüsusilə, Uzaq Şərq və inkişaf etməkdə olan ölkələrdəki tələb artımı, kakao qiymətlərini qaldırır. Bu səbəbdən kakao qiymətlərində yüksəliş tendensiyasının 2019-cu ildə də davam etməsi gözlənilir.