Paytaxtın Nərimanov rayonundakı Atatürk prospektində yerləşən eyni adlı parkda təmir-yenidənqurma işləri aparılır.

Bakı Şəhər İcra Hakimiyyətinin (BŞİH) Mətbuat Xidmətindən "Marja"ya verilən məlumata görə, böyük şəxsiyyət Mustafa Kamal Atatürkün adını daşıyan bu parkdakı şərait və vəziyyət günün tələblərinə uyğun deyildi və heç kimi qane etmirdi.

BŞİH bildirir ki, parkin vəziyyəti ilə bağlı ətraf ərazılərdə yaşayan vətəndaşlardan haqlı narazıliq və iradlar daxıl olurdu:

"Bununla əlaqədar Bakı Şəhər İcra Hakimiyyəti və Nərimanov Rayon İcra Hakimiyyəti ilə birgə parkın əsaslı təmiri və yeniqənqurulması ilə bağlı vətəndaşların istək və arzuları nəzərə alınmaqla yeni layihə sənədləri hazırlanması qərara alınıb. Hazırda parkda təmizlik və yenidənqurmaya hazırlıq işlərinə başlanıb. Yalnız müvəqqəti və qeyri qanuni fəaliyyət göstərən, günün tələblərinə uyğun olmayan, parkda antisanitariya şəraiti yaradan obyeklər sökülüb, rəsmi mülkiyyət sənədləri olan digər obyeklərin sahiblərinə isə müvafiq yenidənqurmalar aparılması tövsiyə olunub".

Yeni layihə əsasında parkda vətəndaşların istirahəti üçün lazımı şərait yaradılması, uşaqlar üçün əyləncə qurğuları quraşdırılacaq və yenidənqurma işlərinin qısa müddətdə başa çatdırılaraq buranın sakinlərin ixtiyarına verılməsi nəzərdə tutulub.

XXX

Bakı şəhəri Nərimanov rayonundakı Atatürk parkında yerləşən və Daşınmaz  Əmlakın Dövlət Reyestrindən çıxarışı (kupça) olan heç bir ictimai-iaşə obyekti sökülməyib və sökülməsi də nəzərdə tutulmayıb. 

Bunu Bakı şəhər İra Hakimiyyətinin mətbuat xidmətinin rəhbəri İsrafil Kərimov bildirib. 

İ. Kərimov qeyd edib ki, parkın ərazisində müvəqqəti fəaliyyət göstərmək üçün icazə verilmiş kafe, restoran, çayxana kimi ictimai-iaşə obyektlərinin sökülməsi prosesi dünən başa çatıb: "Sakinlər də parkının ərazisindəki  belə müvəqqəti obyektlər səbəbindən oradan keçməyin mümkün olmadığından şikayətlənirdilər. Hazırda parkda təmizləmə işləri aparılır. Hazırda parkla bağlı layihə hazırlanır. Layihə hazırlanandan sonra parkda yenidənqurma, abadlıq işləri görüləcək, gözəl bir istirahət parkı yaradılacaq”.   

Qeyd edək ki, dünən Bakı Şəhər İcra Hakimiyyəti (BŞİH) Başçısı Aparatının Nəzarət şöbəsinin müdiri Zülfəli İsmayılov Atatürk parkında kafe və restoranların 80 faizi söküldüyünü bildirib. Müvəqqəti icazə əsasında fəaliyyət göstərən kafe, restoran və çayxanaların sökülməsi ilə əlaqədar isə kompensasiya verilməyəcək.

YATIRIMDA QAZANMAĞI ÖYRƏNMƏK ÜÇÜN SEMİNARA QATIL​

© Bakupost