Neft qiymətləri, ABŞ-da neft hasilatının, ehtiyatların artması, eyni zamanda Səudiyyə Ərəbistanının da hasilatını artırması ilə əlaqədar olaraq düşməkdə davam edir. 

YAPI KREDİDƏN 3 FAİZ ENDİRİMLƏ KREDİT!

"Marja" xəbər verir ki, Bakı vaxtı ilə saat 21:15-ə olan məlumata görə, Brent nefti 6,4% ucuzlaşaraq 58.60 dolları, ABŞ xam nefti isə 7% ucuzalaşaraq 50.83 dolları görüb.

Oktyabrın əvvəlindən bəri Brent neftinin qiyməti 32% düşüb. Oktyabrın 3-də Brent neftinin qiyməti 86 dolları kçemişdi.

Qeyd edək ki, Azərbaycan hökuməti gələn ilin dövlət büdcəsi üçün neftin qiymətini 60 dollar götürüb.

"60 DOLLAR RİSKLİDİR" XƏBƏRDARLIĞI EDİLMİŞDİ

İqtisadçılar bildirmişdilər ki, neft bazarında volatilliyin yüksək olduğunu nəzərə aldıqda 2019-cu il üçün Azərbaycan dövlət büdcəsində neftin qiymətinin 60 dollar deyil, aşağı götürülməsi daha məqsədəuyğundur:

"Maliyyə Nazirliyinin hazırladığı gələn ilki büdcə gəlilərimizin 60 faizi neft sektorunun payına düşəcəyini nəzərə alsaq, 60 dollar riskli qiymət kimi xarakterizə oluna bilər. Maliyyə Nazirliyi 2019-cu ildə neft bazarındakı potensial fors-majorlara indidən hazır olmalıdır və bu baxımdan gələn ilki büdcədə neftin qiymətinin 55 dollardan yüksək götürülməsi məqsədə uyğun deyil. Hətta gələn il neftin qiyməti 60 dollardan yüksək olsa da belə il ərzində büdcəyə dəyişiklik etməklə qiyməti optimallaşdırmaq mümkündür.. Buna görə də, büdcə layihəsində neftin qiymətinin 60 dollardan 55 dollara endirilməsi daha arzuolunandır",- iqtisadçı Vüqar Bayramov Facebook səhifəsində yazmışdı.

Tanınmış iqitisadçı-ekspert Samir Əliyev, 2019-cu ilin dövlət büdcəsi layihəsində neftin 1 barelinin qiymətinin 60 dollardan götürülməsinə münasibət bildirərək, “Neftin qiymətinin 60 dollardan götürülməsi risklidir” demişdi.

İqtisadçı bildirmişdi  ki, mövcud hadisələr neftin qiymətinin artacağı ehtimalını gücləndirsə də, amma heç kim qiymətin enməyəcəyinə də zəmanət verə bilməz.

“Məncə, 50 dollar daha məqbuldur. Əgər gələn il neftin qiyməti yüksək olarsa, hökumət may ayında büdcəyə dəyişiklik etməklə, qiymətə uyğun xərcləri tənzimləyə bilər. Ona görə 50 dollar daha münasib olardı. Bu, riski azaltmaq üçün vacib idi”.

NEFTİN UCUZLAŞMASININ SƏBƏBLƏRİ

Səudiyyə Ərəbistanının, hasilatının rekord səviyyəyə qalxdığını açıqlaması neft qiymətlərinin növbəti dəfə düşməsinə səbəb olur.
 

"Marja" xəbər verir ki, Səudiyyə Ərəbistanının energetika naziri Xalid Əl-Falih, Səudiyyənin neft hasilatının gündəlik 10.7 milyon barrelin üzərində olduğunu bildirib. Bu da rekord səviyyələrə işarə edir. Digər tərəfdən, ABŞ-da xam neft ehtiyatları ardıcıl 9-cu həftədə də yüksəlib, bu da  2017-ci ilin Mart ayından bəri ən uzunmüddətli trenddir.
 

Noyabrın 5-də ABŞ-ın bəzi ölkələri İran sanksiyalarından azad etməsi neft qiymətlərinin düşməsinə təkan vermişdir. 8 ölkə İrandan neft almaqda davam edəcək və İranın ixracı tamamilə dayanmayacaqdır.
 

ELƏ İNDİCƏ 3% ENDİRİMLƏ KREDİT ƏLDƏ ET

Treyderlər bildirirlər ki, Trampın OPEC və Səudiyyə Ərəbistanına aşağı qiymət üçün təzyiq göstərməyə davam etməsi və ABŞ-da artan ehtiyatlar qiymətlərin düşməsinə səbəb olur. OPEC və tərəfdaşlarının hasilatın azaldılması məsələsində razılığa gəlmələri oyunu dəyişdirə bilər.