Kiyevdə daha bir “SOCAR” brendli YDM inşa ediləcək

Kiyevdə daha bir “SOCAR” brendli YDM inşa ediləcək

Azərbaycan Dövlət Neft Şirkətinin (SOCAR) Ukraynadakı törəmə şirkəti - “SOCAR Energy Ukraine” paytaxt Kiyevdə “SOCAR” brendi altında yeni yanacaqdoldurma məntəqəsi (YDM) istifadəyə verməyi planlaşdırır.

VTB-də yüksək depozit faizləri daha çox qazandırır

Ukrayna mətbuatının verdiyi məlumata görə, Kiyevin Obolon rayonunun Stepan Bandera küçəsi 36 ünvanında yerləşəcək YDM-də kafe-mağaza da fəaliyyət göstərəcək.

Məlumata görə, yeni inşa ediləcək tikintinin ümumi sahəsi 0,35 ha təşkil edir. “SOCAR Energy Ukraine” şirkəti YDM-də 4 yanacaqpaylama kalonkasının tikintisi, həmçinin kompleksin mayeləşdirilmiş qazın satışı üçün modul ilə təchiz edilməsi nəzərdə tutulub.

YDM-də müştərilərə Aİ-92, Aİ-95, “Aİ-95 Nano”, “Aİ-08 Nano”, dizel yanacağı və “Nano” dizel yanacaqları təklif ediləcək. SOCAR-ın hesablamalarına əsasən, yeni YDM-də gündəlik olaraq 250 avtomobilə xidmətin göstərilməsi nəzərdə tutulub. YDM-də illik 2 625 kubmetr neft məhsullarının (1 680 m3 benzin və 945 m3 dizel yanacağı) satışı təşkil edəcək. Bundan başqa, mayeləşdirilmiş qazın satışının illik 1 750 kubmetr həcmində olacağı təxmin edilir.

Həmçinin, YDM-in ərazisində ayrıca olaraq 110 yerlik kafe-mağaza inşa ediləcək.

“SOCAR Ukrayna” şirkətindən onu bildiriblər ki, bu YDM-dən başqa, Bandera küçəsində daha bir YDM-in inşa etmək istəyirlər.

Qeyd edək ki, SOCAR-ın Ukraynadakı törəmə “SOCAR Energy Ukraine” şirkəti 2008-ci ildən fəaliyyət göstərir. Hazırda şirkət bu ölkənin 11 vilayətində 59 yanacaqdoldurma məntəqəsinə malikdir.

YAPI KREDİDƏN 3 FAİZ ENDİRİMLƏ KREDİT!

21.11.2018 07:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az