InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında EUR/USD məzənnəsi 1.15$-a ticarət edilir və 1.16$-ın altında qaldıqca, 1.14$-a kimi də ucuzlaşa biləcəyi proqnozlaşdırılır.

Avropada siyasi risklərin artması, iqtisadiyyata mənfi təsir etməklə, avronun qiymətinə də mənfi təsir edir.

Bununla yanaşı, çərşənbə günü Bakı vaxtı ilə saat 13:00-da açıqlanacaq Avrozonanın inflyasiya ilə bağlı önəmli fundamental göstəricilərim də məzənnəyə güclü təsir edə biləcəyi gözlənilir.

GBP

GBP/USD məzənnəsi də bazar günü İngiltərə ilə Avropa Birliyi arasında Breksit danışıqlarının uğursuz nəticələnməsi fonunda bu gün 0.6%-lik ucuzlaşması ilə yadda qalıb. Təhlillərə əsasən, 1.31$-a ticarət edilən valyuta cütlüyünün qiyməti, 1.30$-a kimi də ucuzlaşa bilər.

İngiltərənin birlikdən ayrılması prosesinin razılaşmasız davam etdiriləcəyi ehtimallarının güclənməsi, sözügedən proqnozları daha da gücləndirir.

Çərşənbə axşamı, çərşənbə günü və cümə axşamı saat 12:30-da müvafiq olaraq dərc ediləcək İngiltərənin işsizlik, inflyasiya və pərakəndə satış dövriyyəsi ilə bağlı önəmli fundamental məlumatlar da diqqət mərkəzində saxlanılmalıdır.

TRY

Türkiyə maliyyə bazarlarında USD/TRY məzənnəsi 5.90TL ətrafında dalğalanmaqdadır və 6.00TL-nin altında qaldıqca, 5.70TL-yə kimi də ucuzlaşa biləcəyi proqnozlaşdırılır.

Eyni zamanda, bazar ertəsi saat 12:00-da yayımlanacaq Türkiyənın xarici ticarət dövriyyəsi ilə bağlı statistik göstəricilər də böyük rol oynaya bilər.

OIL

Avropanın Brent markalı neftinin bir barel qiyməti isə keçən həftə ərzində 80$-a kimi ucuzlaşsa da “OPEC+” ölkələrinin bəyanatının təsiri ilə dəstək aldığı qiymətlərin üzərində ticarət edilməsi, yenidən bahalaşa biləcəyi proqnozlarını da güclü saxlayır.

Beləliklə, bazar ertəsi 81$-a kimi dəyər qazanan qiymət, 82$-ı da yuxarı istiqamətdə qırarsa, 84$-a kimi dəyər qazana bilər.

Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında isə qızılın qiyməti sürətli artım dalğası ilə yenidən investorların diqqətini cəlb edib. Artıq 1220$-ın (39.2 $/qram) üzərində təklif edilən qiymət, 1226$-ı (39.4 $/qram) da yuxarı istiqamətdə qırarsa, 1234$-a (39.7 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.