Təqaüdçülər Kapital Bank-ın filiallarında könüllü əsasda işləyəcək

Təqaüdçülər Kapital Bank-ın filiallarında könüllü əsasda işləyəcək

Təqaüdçülər Kapital Bank-ın filiallarında könüllü əsasda işləyəcək

Kapital Bank 1 oktyabr – Beynəlxalq Ahıllar Günü münasibətilə növbəti sosial layihə həyata keçirir. Layihə çərçivəsində paytaxt filiallarında təqaüdçülər müştərilərə xidmət göstərəcək. Yeni layihə “Üçüncü Bahar” təşəbbüs qrupunun təşkilatçılığı ilə keçirilir.

VTB-də minimal faiz dərəcəsi ilə nağd kredit 9.9%-dən

1 ay ərzində davam edəcək layihə zamanı təqaüdçülər, filiala gələn yaşlı müştəriləri almaq istədikləri xidmət üzrə yönəldəcəklər. Bu layihə Kapital Bank-ın “Könüllülər” proqramı çərçivəsində həyata keçirilir.

“Bildiyiniz kimi Kapital Bank hər il ahıllar günü ərəfəsində yaşlı insanlar üçün müxtəlif tədbirlər keçirir. Ötən il keçirdiyimiz maliyyə savadlığı tədbirlərindən sonra tələbatın artdığını görüb, “Yaşa” Mərkəzini yaratdıq. Bu ilki “Könüllülər” proqramında iştirak edən təqaüdçülər əsasən ahıl müştərilərimizə xidmət göstərəcək və onlara bank əməliyyatlarını həyata keçirməkdə köməklik edəcəklər. Layihəni keçirməkdə məqsəd, yaşlı müştərilərə məhz təqaüdçülər tərəfindən xidmət göstərməklə, onlarda özlərinə inam hissini artırmaqdır”, — deyə, Kapital Bank-ın Marketinq departamentinin direktoru Günel Fərzəliyeva bildirib.

Qeyd edək ki, “Yaşa” Mərkəzi Kapital Bank-ın dəstəyi və “Üçüncü Bahar” təşəbbüs qrupunun təşkilatçılığı ilə Əmək və Əhalinin Sosial Müdafiəsi Nazirliyinin nəzdində fəaliyyət göstərir. Mərkəz Dövlət Sosial Müdafiə Fondunun Sabunçu rayon şöbəsində (Bakıxanov qəsəbəsi, Y. Əliyev küç.,1) fəaliyyət göstərir. Mərkəzin hazırda 300-dən artıq fəal üzvü var və hər layıhə üzrə 40-50 nəfər qoşularaq, təlimlərdə iştirak edir.

Azərbaycanda ən böyük filial şəbəkəsinə malik olan Kapital Bank, 95 filialı və 7 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

01.10.2018 09:33