OPEC ölkələrindən neft qiymətlərinin aşağı salınmasını istəyən Trampın təhdidi işə yaramadı. OPEC-in lideri Səudiyyə Ərəbistanı ilə Rusiya verdikləri bəyanatla istehsalı artırmayacaqlarını açıqlayıblar.

 
Neft qiymətlərinin düşməsini istəyən ABŞ Prezidenti Donald Trampa Rusiya və Səudiyyə Ərəbistandan mənfi cavab verildi.

"Marja" xəbər veri ki, Neft İxrac Edən Ölkələr Təşkilatının (OPEC) lideri Səudiyyə Ərəbistanı və təşkilat xaricindəki ən böyük neft istehsalçısı Rusiya istehsalı artırmayacaqlarını açıqlayıblar. Açıqlama OPEC və tərəfdaşlarının bu gün Əlcəzairdə keçirəcəkləri görüş ərəfəsində verilib.

Səudiyyə Ərəbistanının energetika naziri Xalid Əl-Falih istehsalı artırmaq imkanlarının olduğunu, ancaq bunu hələlik lazım görmədiklərini deyib. Səudiyyənın energetika naziri "Mən neftin qiymətinə təsir etmirəm" deyib.

Rusiyanı energetika naziri Aleksandr Novak da neft hasilatı artırmayacaqlarını deyib.

 
YAXIN ŞƏRQ ÖLKƏLƏRİNİ BİZ QORUYURUQ

ABŞ Prezidenti Donald Tramp, Neft İxrac Edən Ölkələr Təşkilatının (OPEC) neft qiymətlərini aşağı salması lazım olduğunu bildirmişdi.

 
Tramp "Twitter"dən etdiyi açıqlamada, neft qiymətlərinin yüksəlməsinə görə Orta Şərq ölkələri və OPEC-in məsuliyyət daşıdığını bildirmişdi.

 
Tramp, "Biz Orta Şərq ölkələrini qoruyuruq, biz olmasaq uzun müddət təhlükəsizlikdə olmazdılar. Onlar isə daha yüksək neft qiymətləri üçün çalışmaqda davam edirlər. Bunu unutmayacağıq. OPEC inhisarçıdır, qiymətləri indi aşağı salmalıdır" yazmışdı.

 
 ABŞ Prezidenti Tramp, daha əvvəl də OPEC-i, neft qiymətlərini süni şəkildə artırmaqla ittiham etmişdi.
 
 
 80 DOLLARA YAXINLAŞIB
 

Brent neftin qiyməti ötən həftə 80 dollara yaxınlaşmışdı. Neft qiymətləri ABŞ-ın İrana tətbiq etdiyi sanksiyalar səbəbindən azalan təklifə görə artır. Tramp, digər ölkələrin kəsiri bağlamaları ilə qiymətləri aşağı salmaq istəyir.