Brunson böhranını həll etmək üçün Vaşinqtona gedən Türkiyə heyəti masada amerikalıların şantajı ilə qarşılaşıb.

"Marja" "Yeni Şafak" qəzetinə istinadən xəbər verir ki,  ABŞ rəhbərliyi həm Brunsonun qısa müddətdə təxliyəsini, həm də ABŞ vətəndaşlığına keçmiş FETÖ-çülərin buraxılmasını istəyib. 

15 İyula açıq dəstək mənasına gələn bu davranış səbəbindən masada müzakirə dayandırılıb və Türkiyənin nümayəndə heyəti səfəri yarımçıq başa çatdıraraq geri dönüblər.

Danışıqlarda nəticə olmadığından, bu dəqiqələrdə 1 Dollar 5.7119 lirəyə yüksəlib.

1 GÜNƏ KREDİT ALIN!

Türkiyə və ABŞ-ın münasibətləri gərginləşib. Problemlərin diplomatik yolla həlli üçün Vaşinqtona gedən Türkiyə heyətinin danışıqları uğursuz olub. Danışıqlarda ABŞ, keşiş Brunson yerinə Türkiyənin FETÖ ilə mübarizəsini müzakirə edib. Həmçinin ABŞ, FETÖ əlaqəli bütün vətəndaşlarının təxliyəsini istəyib.
 
 
Danışıqlara dair verilən yazılı açıqlamada, "Türkiyə rəsmiləri ilə əlavə görüşlər keçirdik. Açıq bir şəkildə keşiş Endryu Brunsonın evə qayıtması lazım olduğunu söylədik" deyilir. 

"Wall Street Journal" Qəzeti isə danışıqlara dair, Türkiyə ilə ABŞ arasında razılaşmanın əldə olunmadığını, Türk rəsmilərin Brunsonun sərbəst buraxılacağına dair bir təminat vermədiyini, Tramp rəhbərliyinin yeni sanksiyaları həyata keçirmək nöqtəsinə gəldiyini irəli sürüb.
 

BÜTÜN FETÖ-ÇULARI İSTƏYİRLƏR

"Yeni Şafak" qəzetinin yazdığına görə, danışıqlar nəticəsində, keşiş Brunsonu bəhanə edən ABŞ-ın əsl dərdinin Fetullahçı Terror Təşkilatı (FETÖ) olduğu ortaya çıxıb. Danışıqlarda ABŞ, Brunsonun vəziyyətini danışılarkən Türkiyənin FETÖ ilə mübarizəsini də müzakirə edib. Brunsonun dərhal sərbəst buraxılmasını istəyən ABŞ, Türk nümayəndə heyətinin qarşısına yalnız Brunson yox, 15 İyul FETÖ çevriliş təşəbbüsü çərçivəsində həbs olunan digər ABŞ vətəndaşları və Türk vətəndaşı olub ABŞ-ın Türkiyədəki missiyalarında çalışan FETÖ-çu terrorçuların da təxliyəsi tələbini qoyub.