ABŞ, keçmiş Rusiya agenti Sergey Skripal və qızı Yulia Skripalı İngiltərənin Salisbury şəhərində "Novichok" maddəsi ilə zəhərlənməsi cəhdinə görə Rusiyaya sanksiya tətbiq ediləcəyini  açıqlayıb

"Marja" xəbər verir ki, ABŞ-ın Xarici İşlər Nazirliyinin sözçüsü Heather Nauert yazılı açıqlamasında, "İngiltərə vətəndaşı Sergei Skripal və qızı Yulia Skripal-a qarşı "Novichok" adlı sinir qazı ilə sui-qəsd cəhdi edilib. ABŞ hökuməti 6 Avqust 2018-də, 1991-ci il Kimyəvi və Bioloji Silahların Nəzarəti və Aradan Qaldırılması Qanunu çərçivəsində Rusiya Federasiyası hökumətinin beynəlxalq hüququ pozaraq öz vətəndaşlarına qarşı kimyəvi və ya bioloji silah istifadə etdiyini təsbit etmişdir",- İfadələrini istifadə edib.
 

Nauert, Konqresin bu barədə məlumatlandırıldığını və 15 günlük müddətin sonunda bu məsələdə tətbiq olunacaq sanksiyaların Avqustun 22-də Rəsmi Qəzetdə dərc olunacağını bildirib.
 

Sözçü sanksiyaların detallarına dair məlumat verməyib.

Bu ayın sonundan sonra tətbiq ediləcək yeni sanksiyalar, Prezident Donald Trampın Rusiya lideri Vladimir Putin ilə münasibətləri yaxşılaşdırmaq səyləri göstərdiyi və 2016-cı ildə ABŞ-da seçkilərə Rusiya müdaxiləsinə dair davam edən istintaq zamanı açıqlanır.

Bir müddət əvvəl, ABŞ Prezidenti Donald Tramp Rusiya Prezidenti Vladimir Putin ilə Helsinkidə görüşmüş  və açıqlamalarına görə ABŞ-da də bütün təbəqələrin tənqidi ilə qarşılaşmışdı.

İNGİLTƏRƏ, ABŞ-IN RUSİYAYA SANKSİYALARINDAN MƏMNUNDUR
 

Böyük Britaniya rəhbərliyinin, keçmiş rusiyalı agent Sergey Skripal və qızı Yulia Skripalı "Novichok" maddəsilə zəhərləməsilə əlaqədar olaraq ilə ABŞ-ın Rusiyaya qarşı sanksiya qərarından məmnun olduqları bildirilib.
 

Böyük Britaniyanın açıqlamasında deyilir:
 

"Böyük Britaniya ABŞ-ın bu yeni sanksiyanı məmnuniyyətlə qarşılayır. Salisbury şəhərinin küçələrində kimyəvi silah işlədilməsinə qarşı sərt beynəlxalq reaksiya, fitnəkar və qorxusuz davranışlarına göz yumulmayacağına dair Rusiyaya açıq bir mesaj göndərir". 
 
 
4 MARTDA ZƏHƏRLƏNDİLƏR
 

Böyük Britaniya xarici kəşfiyyat xidməti MI6 üçün çalışdığı ortaya çıxanda ölkəsində məhkum edilən və daha sonra casus barteri ilə İngiltərəyə gələn rusiyalı agent Skripal ilə qızı, 4 Martda adanın Salisbury şəhərində bir bankda huşlarını itirmiş vəziyyətdə tapılmışdı.
 
ONLAYN MÜRACİƏT EDİN VƏ 1 GÜNƏ MANAT KREDİTİ ALIN

 
İngiltərə, Skripal və qızının zəhərlənməsində, Rusiya tərəfindən istehsal edildiyi irəli sürülən, hərbi xarakterli və sinir sistemi üzərində təsirli bir kimyəvi maddənin istifadə edildiyinii bildirmişdi.
 

Bu maddənin Sovet İttifaqı tərəfindən 1970 və 1980-cı illərdə istehsal edilmiş "Novichok" adlı kimyəvi qrupunun üzvü olduğu bildirilmişdi.