Texnologiya nəhəngi Apple-ın aprel-iyun dövründə xalis gəliri və xalis mənfəəti, ötən ilin müvafiq aylarına nisbətən yüksəlib.

 
"Marja" Apple-dən verilən məlumata istinadən xəbər verir ki, bu ilin aprel-iyun dövrünü balansında üçüncü rüb olaraq qəbul edən şirkətin gəliri ötən ilin eyni dövrü ilə müqayisədə 17,3 faiz artaraq 53,26 milyard dollara çatıb. Şirkət, keçən ilin aprel-iyun dövründə 45,41 milyard dollar gəlir əldə etmişdi.

 
Şirkətin xalis mənfəəti də ötən ilin aprel-iyun dövründəki 8,72 milyard dollardan bu ilin eyni dövründə 11,52 milyard dollara çıxaraq 32,1 faiz artmışdır.

 
Şirkətin bir səhmə mənfəəti isə həmin dövrdə 1,67 dollardan 2,34 dollara qalxıb.

 
1 GÜNƏ KREDİT ALIN!

iPhone və iPad satışlarında artım

 
 Apple, iPhone ağıllı telefon və  iPad planşet satışları da artım qeyd edib.

 
Sözügedən dövrdə iPhone satışları 0,6 faiz artaraq 41 milyon 300 min ədədə, iPad satışları da 0,9 faiz artaraq 11 milyon 553 min ədədə çatıb. Mac satışları isə 14 faiz azalaraq 3 milyon 720 minə enib.

 
Şirkətin AppleCare və ApplePay kimi xidmətlərdən əldə etdiyi gəlir bu dövrdə 31,4 faiz artımla 9,55 milyard dollar təşkil edib. Apple TV və Apple Watch kimi məhsullardan əldə edilən gəlir də 37 faiz artaraq 3,74 milyard dollar olub.

 
 Bazar dəyəri 1 trilyon dollara çata bilər
 

Apple-ın xalis mənfəət və gəlirinin bazar proqnozundan çox və müsbət olması ilə Nyu-York Birjasının bağlanmasının ardından keçirilmiş məhdud əməliyyatlarda şirkətin səhmləri dəyər qazanıb.

 
Çərşənbə axşamı gününü 190,29 dollardan bağlanmış Apple səhmləri, şirkətin balansını açıqlamasının ardından 3,9 faiz artımla 197,67 dollara qədər qalxıb.

 
Çərşənbə günü şirkətin səhminin qiymətinin 198,95 dollar səviyyəsinə çatması halında, Apple tarixdə 1 trilyon dollar bazar dəyərinə yüksələn ilk şirkət olacaq.

 
Təxminən 956 milyard dollar bazar dəyərinə malik olan Apple, dünyanın ən dəyərli şirkətidir.