Bank sektorunda, texnologiya və rəqəmsallaşmanın intensiv şəkildə qarşılıqlı əlaqədə olması nəticəsində əhəmiyyətli yeniliklər də ortaya çıxır. Artan  rəqəmsallaşma nəticəsində "fintech"lərin (finteç) də ən fəal sahələrindən biri olan şəxsi maliyyə idarəçiliyi proqramları müştərilərinə olduqca "ağıllı" xəbərdarlıq və tövsiyələr verir.

"Marja" "Crowdfund Insider"a istinadən xəbər verir ki, İngiltərənin rəqəmsal bankı "Tandem"in yenilənmiş tətbiqi (proqramı) müntəzəm ödənişlər artım göstərən zaman istifadəçiləri xəbərdar etməyə başlayır. "Tandem"in açıqlamasına görə, bu yeni xüsusiyyət süni intellekt texnologiyasından istifadə edərək istifadəçinin müntəzəm ödəmələrində artım olması vəziyyətində işə düşür.
 
 

MÜŞTƏRİSİNƏ ALTERNATİV ŞİRKƏT TƏKLİF EDİR
 

Proqram istifadəçiyə, qiymətləri artan təchizatçılara (şirkətlərə) alternativ olaraq bir neçə variant (şirkət) təqdim edir. Məsələn, elektrik enerjisinin xərci hər ay artırsa, istifadəçiyə alternativ bir şirkət təklif edilir. Müştəri, tətbiq üzərindən elektrik xidməti aldığı şirkəti dəyişdirərsə, "Tandem" yeni şirkətə edilən ödəmələrdən komissiya alır.  

"Tandem"in əsas məqsədinin pulun idarə edilməsində stresi aradan qaldırmaq olduğunu dilə gətirən "Tandem"in  İcraçı Direktoru Ricky Noks, "Hər ay hesabınızdan çıxan pulun hamısını düşünəndə özünüzü viranə hiss edə bilərsiniz. Xüsusilə bu məbləğ aydan aya artırsa, daha da stresə düşərsiniz. Almaq istədiyiniz çoxlu şey varkən, kimsə aylıq sabit ödəmələrinin artmasını istəmir. "Tandem" də bu məqamda köməyə çatır", - deyir.
 

ONLAYN MÜRACİƏTLƏ 1 İŞ GÜNÜNƏ MANAT KREDİTLƏRİ

"Tandem" hələ iki həftə əvvəl 250 min müştəriyə çatdığını bildirmişdi. "Fintech" təşəbbüsü olan "Tandem" sürətlə böyüyənistifadəçi bazası ilə özünün ipoteka bazarını yaratmağı hədəfləyir. İlin ilk aylarında bank lisenziyası almış "Tandem, həmçinin  pulun idarə edilməsi tətbiqi "Pariti"ni və "Harrods Bank"ı satın almışdı.