InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi 1.18-1.16$ aralığında dalğalanmaqdadır. Sonuncu dəfə Avropa Mərkəzi Bankının açıqlamaları və ABŞ-dan 2-ci rüb üzrə yayımlanan müsbət iqtisadi inkişaf göstəricilərindən sonra avronun qiyməti 1.16$-a kimi ucuzlaşmışdır. Təhlillərə əsasən, avro/dollar məzənnəsi 1.1616$-ı da aşağı istiqamətdə qırarsa, 1.1534$-a kimi də ucuzlaşa bilər.

Bununla yanaşı, çərşənbə axşamı Bakı vaxtı ilə saat 13:00 və cümə günü saat 16:30-da müvafiq olaraq dərc ediləcək, Avrozonanın inflyasiya və ABŞ-ın əmək bazarı ilə bağlı önəmli fundamental məlumatlar da böyük maraqla gözlənilir.

Çərşənbə günü saat 22:00-da açıqlanacaq Amerika Mərkəzi Bankının faiz qərarında dəyişiklik gözlənilməsə də diqqət mərkəzində saxlanılmalıdır.

GBP

GBP/USD məzənnəsi də təzyiq altındadır. İngiltərə iqtisadiyyatının inkişaf səviyyəsinin zəifləməsi və Breksit fonunda risklərin mövcudluğu, ölkə valyutasına mənfi təsir edir. Hal-hazırda 1.31$-a ticarət edilən funtun qiyməti 1.3054$-ı da aşağı istiqamətdə qırarsa, 1.2957$-a kimi də ucuzlaşa biləcəyi proqnozlaşdırılır.

Eyni zamanda, cümə axşamı saat 15:00-da yayımlanacaq İngiltərə Mərkəzi Bankının faiz qərarı da diqqət mərkəzində saxlanılmalıdır.

TRY

Türkiyə maliyyə bazarlarında da Dollar/Lirə məzənnəsi keçən həftə ərzində bahalaşmışdır. Hal-hazırda 4.86TL-yə ticarət edilən USD/TRY məzənnəsi, 4.88TL-ni də yuxarı istiqamətdə qırarsa, 4.94TL-yə kimi bahalaşa bilər.

Bu həftə lirənin məzənnəsinə də güclü təsir edə biləcək önəmli fundamental məlumatların açıqlanması gözlənilir. Belə ki, sonuncu dəfə Türkiyədə son 14 ilin maksimum səviyyəsinə yüksələn inflyasiya ilə bağlı cümə günü saat 11:00-da vacib statistik məlumatlar açıqlanacaqdır.

OIL

Avropanın Brent markalı neftinin bir barel qiyməti 75$-a kimi bahalaşdıqdan sonra müqavimətlə rastlaşıb. Beləliklə, qiymət bu səviyyənin üzərində möhkəmlənə bilməsə, yenindən 73 və 71$-a kimi ucuzlaşa bilər.

Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında da qızılın qiyməti 1219$-a (39.2 $/qram) kimi ucuzlaşıb və 1217$-ı (39.1 $/qram) aşağı istiqamətdə qırarsa, 1205$-a (38.7 $/qram) kimi də dəyər itirə biləcəyi proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.