ABŞ-ın xam neft hasilatı fevraldan bu yana ilk dəfə azalıb

ABŞ-ın xam neft hasilatı fevraldan bu yana ilk dəfə azalıb

ABŞ-ın xam neft hasilatı fevral ayından bu yana ilk dəfə düşüb.

"Marja" xəbər verir ki, ABŞ Enerji İnformasiya İdarəsinin (EIA) dərc olunan məlumatlarına görə, ölkənin xam neft istehsalı 23-29 İyun dövründə gündəlik orta hesabla 45 min barrel azalma ilə 10,9 milyon barrel səviyyəsində baş tutub.

VTB-də minimal faiz dərəcəsi ilə nağd kredit 10.49%-dən

Həmin dövrdə ölkənin Alyaska ştatında xam neft istehsalı gündəlik orta hesabla 45 min barrel azalaraq 447 mindən 402 min barelə qədər düşüb, ABŞ-ın digər ştatlarında xam neft hasilatı dəyişməyib.

Beləliklə, ölkənin xam neft istehsalı 10-16 Fevral dövründən bu yana ilk dəfə azalmışdır.

ABŞ-ın xam neft idxalı ötən həftə bir əvvəlki həftəyə nisbətən gündəlik orta hesabla 699 min barel artımla 9,05 milyon barelə çatarkən, xam neft ixracı isə gündəlik orta hesabla 664 min barrel azalma ilə 2,34 milyon barrelə enib.

XAM NEFT EHTİYATLARI ARTIB

EIA məlumatlarına görə, ABŞ-ın kommersiya xam neft ehtiyatları 23-29 İyun dövründə 1,2 milyon barel (0,3 faiz) artımla 417,9 milyon barelə yüksəlib.

Bazar gözləntisi ehtiyatların 5,2 milyon barrel düşəcəyi istiqamətində idi. Bir əvvəlki həftə xam neft ehtiyatları 9,9 milyon barel azalmışdı.

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Kommersiya xam neft ehtiyatlarına daxil olmayan strateji xam neft ehtiyatları ötən həftə dəyişməyərək 660 milyon barreldə sabit qalıb.

ABŞ-ın benzin ehtiyatları isə ötən həftə 1,5 milyon barrel (0,6 faiz) azalma ilə 239,7 milyon barrelə enib.

Benzin ehtiyatlarına dair bazar gözləntisi 800 min barrel azalma olması istiqamətində idi. Bir əvvəlki həftə benzin ehtiyatları 1,2 milyon barel artım göstərmişdi.

NEFT QİYMƏTLƏRİ DÜŞÜB

ABŞ-da ehtiyatların artması ilə əlaqədar olaraq neft qiymətləri düşüb. Bakı vaxtı ilə saat 08:00-a olan məlumata görə, Brent nefti 77,15 dollara, Qərbi Texas nefti 72,85 dollara geriləyib.

06.07.2018 05:57