Neft, ABŞ-ın təzyiqi ilə ucuzlaşır

Neft qiymətləri, ABŞ Prezidenti Donald Trampın Səudiyyə Ərəbistanına istehsalı artırmaq məsələsində təzyiq göstərməsinin ardından üç ildən çox müddətin ən yüksək səviyyəsindən düşür.

"Marja" xəbər veri ki, Tramp, Şənbə günü Twitter vasitəsilə verdiyi açıqlamada, Səudiyyə Kralı Salman ilə razılığa gəldiyini açıqlayıb.

VTB-də minimal faiz dərəcəsi ilə nağd kredit 10.49%-dən

"İndi Səudiyyə Ərəbistanının Kralı Salman ilə danışdım və ona İranla münaqişə və Venesuelladaki qarışıqlıq səbəbilə aradakı fərqi ödəmək üçün Səudiyyə Ərəbistanının neft istehsalını 2 milyon barrelə qədər artırmasını istədiyimi bildirdim, o da qəbul etdi".

Venesuelladakı daxili iğtişaşlar səbəbindən neft hasilatı azalıb. İrana tətbiq olunacaq embarqolara görə bu ölkənin də neft hasilatının aşağı düşəcəyi gözlənilir. Belə olan halda neftin qiymətləri artım meylindədir. Donald Tramp təklif kəsiri səbəbindən qiymətlərin daha çox yüksəlməməsi üçün Səudiyyə Ərəbistanından neft hasilatını 2 milyon barel artırılmasını istəyib.

Həmçinin Tramp, Bazar günüTV müsahibəsində, OPEC-in xam neft bazarını manipulyasiya etməyi dayandırması və daha çox neft istehsal etməsi lazım olduğunu söyləyib.

Neft ötən həftə, ABŞ-ın müttəfiqlərini İrandan neft almamağa çağırması ilə bahalaşmışdı. Bu çağırış, ABŞ-da ehtiyatların azaladığı, Kanada və Liviyada problemlərin meydana gəldiyi bir vaxtda reallaşır.

Həmçinin OPEC və tərəfdaşları hasilatın 1 milyon barel artırılmasına qərar veriblər.

Analitiklər bildirirlər ki, Trampın açıqlaması ilə neft qiymətlərinin düşməsi müvəqqətidir. Liviya, İran və Venesueladakı problemlər 2018-in qalan hissəsində də öz təsirlərini davam etdirəcək. Buna görə, neft qiymətlərinin, OPEC-in əlavə istehsal artımı müdaxiləsi olmasa, aşağı düşməsi gözlənmir.

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Bakı vaxtı ilə 09:35-ə olan məlumata görə, Qərbi Texas nefti (WTI) 1% ucuzlaşma ilə 73.41 dollardan, Brent nefti 1.3 faizucuzlaşma ilə 78.25 dollardan alıcı tapıb.

02.07.2018 07:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az