ABŞ-ın e-ticarət nəhəngi Amazon, internet apteki "PillPack" adlı şirkəti satın alacaq.
 

"Marja" xəbər veri ki, Amazon-dan verilən açıqlamada, reseptli alıcılara gündəlik dərman təhvili edən (çatdıran) "PillPack"i satınalma müqaviləsinin bu ilin ikinci rübündə başa çatmasının gözlənildiyi qeyd edilib. Müqavilənin məbləği ilə bağlı bir məlumat isə verilməyib.
 

"PillPack"in əvvəlcədən hazırlanmış dozalar halında gündəlik dərman təhvili həyata keçirdiyinə diqqət çəkilən açıqlamada, müştərilərə təhvilin vaxtında həyata keçirilməsinin əhəmiyyəti vurğulanıb.
 

Amazon-dan Cef Wilke, "Pillpack müştərilərinin həyatını inkişaf etdirir. Biz də insanlara vaxt qazandıraraq, həyatlarını sadələşdirərək və sağlam hiss etmələrini təmin edərək onlara köçmək etmək istəyirik", ifadələrini istifadə edib.
 

Açıqlamanın ardından Amazon-un Nyu-York Birjasında ticarət olunan səhmləri 0,8 faiz bahalaşıb. ABŞ-ın aptek şəbəkələrinin səhmləri isə kəskin ucuzlaşıb.
 

Ölkənin ən böyük aptek şəbəkəsi olan CVS-in səhmləri eyni vaxtda 9,3 faiz ucuzlaşıb, "Walgreens Boots Alliance"ın səhmləri isə 10,5 faiz və "Rita Aid"ın səhmləri isə 9,9 faiz düşüb.
 

Mütəxəssislər, Amazon-un uzun zamandır portfelinə aptek xidmətlərini daxil etməyi planlaşdırdığına diqqəti çəkərək, şirkətin ABŞ miqyasında geniş yayılmış təhvil şəbəkəsi sayəsində müştərilərə daha sürətli dərman təhvili edə biləcəyini vurğulayırlar. Bu da mövcud apteklərin müştərilərini itirəcəyi deməkdir.

1 GÜNƏ KREDİT ALIN!

 
Həmçinin Amazon,investisiya şirkəti "Berkshire Hathaway" və bankçılıq nəhəngi "JPMorgan Chase" ilə birgə qazanc məqsədi güdməyən tibbi sığorta şirkəti yaradacağını yanvar ayında açıqlamışdı.
 

İlk fazada Amazon, "Berkshire Hathaway" və "JPMorgan Chase"in cəmi 1,2 milyon  işçisinə məqbul qiymətli  tibbi sığorta xidməti verməsi planlaşdırılan yeni şirkətin gələcəkdə bütün Amerikalılara xidmət göstərməsi nəzərdə tutulur.