Ukraynada 2013-cü ilin sonunda üsyanlarla başlayan, 2014-cü ilin Fevral  ayında Krımın Rusiya tərəfindən ilhaq edilməsi ilə davam edən və qısa müddətdə şərq şəhərlərində daxili qarışıqlığa çevrilən böhran, ölkənin iqtisadi vəziyyətinə də mənfi əks olundu.
 

"Marja" "Bloomberg News"a istinadən xəbər verir ki, ancaq bu böhran şəraitindən çıxan bir göstərici var: Qrivna. Ölkənin pul vahidi, beynəlxalq xilasetmə paketinin bir ildən çox müddətdir dondurulmuş olmasına, hətta maliyyə nazirinin ötən həftə qovulmasına baxmayaraq, inkişaf edən ölkələrin valyutaları arasında dollar qarşısında ən yaxşı performans göstərən pul vahidi olub.
 

Qrivna, Gürcüstan Larisi və Kolombiya Pesosunu keçərək dollar qarşısında ilin əvvəlindən bu yana 7,7 faiz möhkəmlənib.
 

Ukrayna Mərkəzi Bankı sədrinin müavini Oleq Çuriyə görə, işin sirri, cari kəsirin bağlanması üçün qısamüddətli kapital axınlarına bel bağlamamaqdır.
 

1 GÜNƏ KREDİT ALIN!

"Bu çox təhlükəli bir vəziyyətdir" deyən  Çuriy, "Çünki sizə qarşı mənfi bir hiss varsa, investorlar bazarı tərk edəcək və pul siyasəti ilə valyuta məzənnəsi üzərində çox böyük təzyiq yaranacaqdır. Ancaq bu vəziyyət, Ukrayna üçün söz mövzusu deyil",- ifadələrini işlədib.

 
Mərkəzi Bankın faiz dərəcəsi 17%-dədir. İnflyasiyada ciddi bir geriləmə görmədikcə pul siyasətini yumuşaldılmayacağını bildirən Çuriy, "Sərt pul siyasəti bizə inflyasiyanı gələn ilin ortasında hədəfə salmağa imkanı verəcək. Ancaq bu, daha tez bir vaxtda da ola bilər" deyib.
 

BÖHRANDAN SONRA İQTİSADİ İNKİŞAFI OLSA DA, BORCU ÇOXDUR
 

Dünya Bankının məlumatlarına görə, 2014-cü ildə 6,6 faiz, 2015-ci ildə 9,8 faiz azalan Ukrayna iqtisadiyyatı, 2016-cı ildə bir sıçrayış edərək 2,3 faiz artıb.
 

2018-ci ildə iqtisadi artımın 3,5 faiz təxmin edildiyi Ukraynanın valyuta ehtiyatları isə olduqca aşağı səviyyədədir. Korrupsiya hələ də geniş yayılmış və dövlət borcu çox yüksəkdir.

Ölkəyə ötən payızdan bu yana 550 milyon dollarlıq "isti kapital" girişi olub.