Beynəlxalq Bank 100 müştərisinə hədiyyə təqdim etdi
Azərbaycan Beynəlxalq Bankının “Yüzdən biri ol!” devizi altında keçirdiyi “Bahar” uduşlu stimullaşdırıcı lotereya kampaniyasında qalib olmuş müştərilərə hədiyyələr təqdim olunub.
Kampaniyada ümumən 100 iştirakçı qalib olub. 60 qalib 100 manat, 25 qalib 300 manat, 10 qalib 500 manat hədiyyə qazanıb. Təqdimat mərasimində lotereyanın 2 qalibinə “İpad Pro 9.7”, daha 2 qalibinə “İphone X” smartfonu təqdim olunub. Birinci yerin qalibi Xədicə Məmmədovaya isə MALDİV ADALARINA 2 NƏFƏRLİK (5* oteldə 1 həftə) SƏYAHƏT PAKETİ verilib.
Xədicə Məmmədova Azərbaycan Beynəlxalq Bankının təqaüdçüsüdür. O, 406 min 159 uduş şansı arasından cəmi 4 uduş şansı ilə qalib gəlib: “Bu, bir qismətdir. Bankdan kredit almışdım. Mayın 15-də gecə “Xəzər” televiziyasının canlı efirindən zəng edib dedilər ki, lotereyada udmuşam. Çox sevinirəm. Maldiv adalarına böyük qızımla gedəcəyəm. Azərbaycan Beynəlxalq Bankına minnətdaram ki, bizə belə bir imkan yaratdı”.
Azərbaycan Beynəlxalq Bankının Marketinq departamentinin direktoru Nigar Tahirova bildirib ki, belə stimullaşdırıcı tədbirlərin keçirilməsində məqsəd müştəriləri nağdsız ödənişlərə həvəsləndirməkdir: “Azərbaycan Beynəlxalq Bankı ölkəmizdə nağdsız ödəniş ənənələrinin inkişafına daim dəstək verir. İnnovativ bankçılıq texnologiyalarının tətbiqi ilə nağdsız ödəniş infrastrukturunu inkişaf etdirməyə çalışır. Belə stimullaşdırıcı tədbirlərimiz gələcəkdə də davam etdiriləcək”.
Xatırladaq ki, lotereya kampaniyası 15 mart – 30 aprel tarixlərini əhatə edib. İştirak şərtlərinə görə, kampaniya müddətində Azərbaycan Beynəlxalq Bankının kartları ilə ölkədaxili və ölkəxarici nağdsız alış-veriş zamanı aparılmış bütün əməliyyatlar üzrə, yaxud onlayn qaydada ödənilmiş hər 100 manata görə müştəri bir uduş şansı qazanıb. Eyni zamanda, kampaniya dövründə bankdan nağd pul krediti alan müştəri hər 500 manat kredit məbləğinə görə bir şans əldə edib. Uduş fondu 15 may 2018-ci il tarixində saat 22.00-da “Xəzər” televiziyasının canlı yayımında oynanılıb. Qaliblərin seçimi kampaniya müddətində formalaşan uduş şansları arasından, xüsusi proqram təminatı vasitəsilə, təsadüfi seçim əsasında aparılıb.
Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























