ABŞ-ın idxal etdiyi polad və alüminiuma əlavə gömrük vergilərini 1 İyundan etibarən Avropa Birliyi (AB), Kanada və Meksikaya da tətbiq edəcəyini açıqlamasına reaksiyalar gecikməyib.

"Marja" xəbər verir ki, ABŞ-ın tək tərəfli olaraq qəbul etdiyi əlavə gömrük vergiləri qərarının ədalətli olmadığını və Dünya Ticarət Təşkilatı (DTT) qaydalarını toqquşduğunu bildirən Avropa Komissiyasının Prezidenti Jean-Claude Juncker, "Bu gün dünya ticarəti üçün pis bir gündür. Tramp, bizə ABŞ məhsullarına əlavə gömrük rüsumları tətbiq etməkdən başqa seçim qoymur" deyib.

Avropa Birliyi (AB) Komissiyasının Ticarətdən Məsul üzvü Cecilia Malmström isə ABŞ-ın idxal polad və alüminiuma tətbiq edəcəyi əlavə gömrük rüsumlarına dair, "ABŞ-ın tədbirləri, razılaşdırılmış beynəlxalq qaydalara zidd olduğu üçün Dünya Ticarət Təşkilatında (DTT) münaqişələrin həlli üçün məhkəmə prosesi başladacağıq" ifadəsini istifadə edib.

 AVROPALI LİDERLƏR "OD PÜSKÜRDÜLƏR"

Fransa Prezidenti Emmanuel Macron, ABŞ-ın idxal polad və alüminiuma əlavə vergi tətbiq etməsi qərarının beynəlxalq hüquqa zidd olduğunu bildirərək, bunun böyük bir səhv olduğunu deyib.

 ABŞ rəhbərliyinin əlavə vergi qərarından təəssüf etdiyini dilə gətirən Macron, "Qərar, ABŞ, AB və Fransanın qəbul etdiyi beynəlxalq ticarət qaydalarına ziddir. Bu səbəbdən hüquqa zidd olduğu üçün qərara etiraz edəcəyik və cavab verəcəyik",- deyib.

Almaniyanın xarici işlər naziri Heiko Maas, ABŞ-ın idxal edəcəyi polad və alüminiuma  tətbiq edəcəyi əlavə gömrük vergilərinin hüquqa zidd olduğunu vurğulayaraq, AB-nin cavab tədbirləri ilə ən uyğun şəkildə cavab verməyə hazır olduğunu deyib.
 

İsveçin ticarət naziri Ann Lind isə, "İsveç ABŞ-a ildə 4 milyard dollar polad ixrac edir. ABŞ-ın verdiyi ən pis qərardır" - şəkilində bildirib.
 

ABŞ-ın verdiyi qərarın Dünya Ticarət Təşkilatının (DTT) qaydalarına zidd olduğunu xatırladan Lind, "Vəziyyətə görə, AB ölkələri də ABŞ-dan idxal edilən polad və alüminiuma eyni miqdarda əlavə vergi tətbiq edə bilər" ,- deyib.
 

Rusiyanın iqtisadi inkişaf naziri Maksim Oreşkin də ABŞ-ın yeritdiyi ticarət siyasətlərini tənqid edərək, "Bu siyasətlər səbəbi ilə bütün dünya iqtisadiyyatı da zərər görür", ifadələrini istifadə edib.
 
 
KANADA VƏ MEKSİKADAN CAVAB TƏDBİRLƏRİ

 
Kanadanın xarici işlər naziri Chrystia Freeland, ABŞ-ın gömrük vergilərinə cavab olaraq Amerikan polad və alüminium məhsullarına 1 İyuldan etibarən müvafiq olaraq 25 faiz və 10 faiz tarif tətbiq ediləcəyini açıqlayıb.
 

Meksika Hökumətindən verilən yazılı açıqlamada da ABŞ-dan idxal edilən alma, üzüm, donuz əti kimi müxtəlif ərzaq məhsullarına və bəzi polad məhsullarına əlavə gömrük vergiləri tətbiq ediləcəyi bildirilib.

 
ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Açıqlamada, Vaşinqtonun həyata keçirəcəyi tariflərlə bənzər dəyərdə olacaq gömrük vergilərinin, polad və alüminium qarşı vergilər ləğv edilmədiyi müddətdə qüvvədə qalacağı da vurğulanıb.

ABŞ DAXİLİNDƏN ETİRAZLAR

ABŞ Ticarət Palatası, ABŞ rəhbərliyini gömrük vergisi qərarını həyata keçirməmək barədə xəbərdarlıq edib. ABŞ Ticarət Palatasından bildiriblər ki, "Əlavə vergilər, təkcə ABŞ sənayeçilərinin xərclərini artıraraq mənfi təsir etməklə bitməyəcək, tikinti sektoruna və sektorlardakı məşğulluq səviyyəsinə də mənfi təsir göstərəcəkdir. Vergi tətbiq edilən ölkələrin cavab addımları da iqtisadi vəziyyəti pisləşdirə bilər".
 
 
ABŞ Ticarət Palatası, hazırda ABŞ-da polad qiymətlərinin Çin və Avropadan 50% daha yüksək olduğunu bildirib.
 
 
Motors Co., Ford Motor Co., Volkswagen AG kimi avtomobil istehsalçılarının üzv olduğu birlik, artırılan gömrük vergisilərinin ABŞ məhsullarının qiymətlərini artıracağı açıqlamasını edib.
 

ABŞ Beynəlxalq Avtomobil Dilerləri Assosiasiyasının sədri Cody Lusk qərarın məhsullarda qiymət artımına səbəb olacağını bildirərək, "Amerikalı istehlakçılar, ticarət partnyorlarımızla ticarət müharibəsinin zərbəsinə məruz qalmağa davam edəcək. Alüminium və polada tətbiq olunan gömrük vergisi bir ildə milyonlarla yeni avtomobil satın alan amerikalı istehlakçılara mənfi təsir göstərəcəkdir" deyib.

 ABŞ dünyanın ən böyük polad idxalçısıdır