ABŞ: Çin ilə ticarət müharibəsini təxirə salırıq​

ABŞ-ın xəzinə naziri Steven Mnuchin, ABŞ və Çin arasında gömrük vergisi ilə əlaqədar olaraq yaşanan gərginliyi "bir müqavilə ilə tənzimləmək üçün təxirə saldıqlarını" açıqlayıb.

 
"Marja" xəbər verir ki, Fox televiziyasına danışan xəzinə naziri Mnuchin, "Ticarət müharibəsini təxirə salırıq. Müqavilə bağlayana qədər gömrük vergisini təxirə salmaq mövzusunda razılaşdıq",- deyib.
 
 

ÇİN ABŞ-DAN NEFT VƏ QAZ ALACAQ

ABŞ və Çin arasındakı ticarət həcminin artacağını qeyd edən Mnuchin, "Növbəti 3 - 5 il ərzində Çinin ABŞ-dan enerji alışının 50 milyard dollar ilə 60 milyard dollar arasında bir səviyyəyə çıxacağına görə.... Və strateji olaraq bu vəziyyət həm bizim üçün, həm də onlar üçün əhəmiyyətli olacaq",- deyib.
 
 

Stiven Mnuchin, Çin ilə müzakirələri davam edən müqaviləyə dair əlavə məlumat verməyib.

ABŞ-ın xəzinə naziri Stiven Mnuchin bu gün verdiyi başqa bir açıqlamada da, dünyanın ən böyük iki iqtisadiyyatının gömrük rüsumları məsələsində razılaşdığını və daha geniş miqyaslı bir müqaviləs üzərində işə başladıqlarını bildirib.

Reuters-də yer alan xəbərə görə də, Mnuchin və ABŞ Prezidenti Donald Trumpın İqtisadiy müşaviri Larry Kudlow tərəfindən verilən açıqlamada, Çin və ABŞ nümayəndə heyətləri iki ölkə arasında ticari ziddiyətləri ortadan qaldıracaq ümumi bir çərçivə üzərində razılığa gəldikləri qeyd olunub.

Çinin ticarət kəsirini azaltmaq üçün ABŞ-dan daha çox mallar almaq sözü verdiyi bildirilib. 

335 MİLYARD TİCARƏT KƏSİRİ MƏRHƏLƏLİ OLARAQ DÜŞƏCƏK
 
Birgə açıqlamada "Tərəflər Çinin ABŞ-dan kənd təsərrüfatı və enerji məhsulları idxalını artıracağı razılaşdırılıb. Bu ABŞ-ın iqtisadi artımına və məşğulluğuna müsbət töhfə verəcək" deyilir. ABŞ, bu addımın Çin ilə arasındakı illik 335 milyard dollarlıq ticarət kəsirini mərhələli olaraq salacağını qeyd edib.

1 GÜNƏ KREDİT ALIN!

ABŞ Prezidenti Donald Tramp, aprel ayı sonunda verdiyi açıqlamada, Xəzinə Naziri Mnuchinin ticarət münaqişələrini müzakirə etmək üçün Çinə gedəcəyini bildirmişdi.
 

Mnuchin, ayın əvvəlində Çinə etdiyi səfər zamanı, Çinin Baş nazirinin köməkçisi Liu Hı ilə ikitərəfli iqtisadi və ticari məsələləri həll etmək üçün danışıqlar aparmışdı. İclaslarda fikir mübadiləsi aparılmış və qismən razılıq əldə olunmuşdu.
 

Stiven Mnuchinin Çinə etdiyi səfərin ardından isə Çin Baş nazirinin köməkçisi Liu Hı, ticarət və iqtisadi danışıqlar aparmaq üçün ABŞ-a səfər etmişdi.

AYDA 1850 MANAT ÖDƏNİŞLƏ PREMİUM MƏNZİL!

Tramp, mart ayının əvvəlində, idxal polad və alüminiuma müvafiq olaraq 25 faiz və 10 faiz gömrük tarifi tətbiq edəcəyini açıqlamışdı.Çin buna cavab olaraq, ABŞ-dan idxal edilən təxminən 3 milyard dollar məbləğindəki 128 məhsula 15 faiz ilə 25 faiz vergi tətbiq edəcəyini bildirmişdi.
 

Donald Tramp hökuməti, aprel ayının əvvəlində, Çindən idxal edilən və ümumi dəyəri 50 milyard dolları olan təxminən 1300 məhsula 25 faiz əlavə gömrük tarifi tətbiq edəcəyini bildirmişdi. Çin isə cavab tədbirləri kimi, ABŞ-dan idxal edilən 50 milyard dollar dəyərində 106 məhsula 25 faiz vergi tətbiq edəcəyini bildirmişdi.
 

ABŞ-ın Çin ilə olan ticarət kəsiri 2016-da 335 milyard dollar olmuşdur.