ABŞ Prezidenti Donald Tramp, ölkəsinin 2015-ci ilin İyul ayında İran ilə bəzi iqtisadi sanksiyaların götürülməsi qarşılığında imzalanmış nüvə müqaviləsindən çıxdığını açıqladı.

ABŞ Prezidenti Donald Tramp İran ilə bağlı qərarını açıqladı.

"Marja" xəbər verir ki, Trampın qərarı ilə, ABŞ, İran ilə 2015-ci ildə bağlanmış nüvə müqaviləsindən çıxdı.

"ABŞ-ın müqavilədən çıxdığını açıqlayıram. İrana yeni iqtisadi və digər sanksiyalar tətbiq ediləcəkdir. İrana kömək edən digər ölkələrə də sərt sanksiyalar tətbiq ediləcəkdir",- Tramp deyib.

Tramp çıxışına, "İran, Yaxın Şərqdə Hizbullah, Həmas, Əl-Qaidə və Taliban kimi terrorçu təşkilatları dəstəkləyir" - deyrək başladı. Tramp, İranın nüvə silahı istehsal etməyə davam etdiyini vurguladı.

Tramp, İran ilə bağlanmış müqaviləni "böyük bir ləkə" kimi qiymətləndirdi və müqavilənin İranın uranı zənginləşdirməyə davam etməsinə icazə verdiyini qeyd etdi.

"Müqavilə üçün bir şey etməsək, başımıza nə gələcəyini bilirik" deyən Tramp, "İran terrora yardımda liderlik edir və bu ölkənin əlində çox güclü bir silah olacaqdır və hazırda müqavilədən çıxdığımızı açıqlayıram. Ən yüksək səviyyədə sanksiya tətbiq edəcəyik və İrana yardım edən ölkələrə də sanksiya tətbiq ediləcək" - dedi.

Tramp, "Müqavilənin davam etməsinə icazə versəm Orta Şərqdə silahlanma davam edəcək",- deyib.

Tramp çıxışını, "Bu ABŞ-ı daha təhlükəsiz edəcəkdir" deyərək yekunlaşdırdı.

 AYDA 1850 MANAT ÖDƏNİŞLƏ PREMİUM MƏNZİL!

Tramp daha əvvəlki çıxışlarında, müqaviləni  "ən pis müqavilə" və "fəlakət" adlandırmış və ABŞ-ın müqavilədən çıxacağı və İrana yeni sanksiyalar tətbiq ediləcəyi mesajını vermişdi.

Tramp, ötən həftə İranın nüvə silahı inkişaf etdirməyə davam etdiyini açıqlayan və bir sıra mübahisəli dəlillər ortaya qoyan İsrailin Baş naziri Netanyahuya inandığını bildirmişdi.

1 GÜNƏ KREDİT ALIN!

2015-ci ilin İyul  ayında, P5+1 ölkələri qrupu (Çin, Almaniya, Fransa, Rusiya, Böyük Britaniya və ABŞ) İran ilə nüvə müqaviləsi imzalamışdı.
 

Qərardan sonra neft qiymətləri yüksəlib və Brent neftinin qiyməti 76 dolları keçdi. Sonradan neft qiymətləri düşdü.

İRANDAN REAKSİYA

İran Prezidenti Həsən Ruhani ABŞ Prezidenti Donald Trampın İran ilə bağlanmış nüvə müqaviləsindən çıxdığını açıqlamasından sonra bəyanat verib.

"Müqavilədən çıxmaq üçün hansı sübutlara malik olduqlarını göstərməlidirlər. ABŞ Prezidenti Tramp, müqavilədən nə üçün çıxdığını, əsaslarını bildirməlidir. Bu tək tərəfli bir müqavilə deyil. BMT-də və parlamentlərdə imzalanmış bir müqavilədir. İran tərəfi razılaşmada qeyd edilmiş bütün öhdəliklərinə əməl edib. Amma bu gün görürük ki, beynəlxalq müqaviləyə hansı ölkə hörmət göstərmir. Heç bir tələbi pozmamışıq. ABŞ-ın müqavilədən nə üçün çıxdığını anlamırıq. Trampın qərarı onların müqaviləyə əməl etmək istəmədiklərini göstərir. Həmişə belə olublar. Bizim üçün yeni bir şey olmadı. Xalqımız bunu bir daha gördü. Tramp rəhbərliyinin tək dəstəkləyən İsraildir. Biz bu nöqtdədə gözləyəcəyik və səbirli olacağıq. Müqavilə digər 5 ölkə ilə davam edəcəkdir",- Ruhani deyib. 

"HƏR ŞƏRAİTƏ HAZIRIQ"

​

Ruhani, "Tramp, psixoloji bir müharibəyə başladı. Onun iqtisadi və siyasi nəticələrini heç vaxt bağışlamayacağıq. Xalqımız bu gün daha çox birlik içərisindədir. Müqavilə kağız üzərində qalsa, maraqlarımız  təmin olunmayacaqsa, açıq bir yolumuz olacaq və hər şəraitə hazırıq" dedi.