237 illik dərman nəhəngindən tarixi satınalma - 65 MİLYARD DOLLAR

237 illik dərman nəhəngindən tarixi satınalma - 65 MİLYARD DOLLAR

237 illik dərman nəhəngindən tarixi satınalma - 65 MİLYARD DOLLAR

Dünyanın 15 ən iri əczaçılıq şirkəti arasında yer alan Yaponiyanın "Takeda Pharmaceutical" şirkəti, İrlandiyanın dərman istehsalçısı "Shire"ı 65 milyard dollara satın alır. "Shire" səhmdarları, hələ başlanğıc mərhələsində olan satınalmanın reallaşması ilə yaranacaq şirkətin 50 faiznə sahib olacaqlar.

"Marja" xəbər verir ki, ABŞ-lı rəqibləri "AbbVie" və "Pfizer" kimi şirkətlərlə rəqabət qabiliyyətini gücləndirmək istəyən 237 illik dərman nəhəngi "Takeda", daha əvvəl də "Shire"yə bir neçə dəfə satınalma təklifi vermişdi.

VTB-də yüksək depozit faizləri daha çox qazandırır

Fransız Kristof Veber (Christophe Weber) tərəfindən idarə olunan "Takeda" şirkəti "Shire"ı satın alsa, bu, sektorun ən böyük alışlarından biri olacaq. Çünki, "Shire"in borcları da daxil ediləndə müqavilənin dəyəri 80 milyard dollara qədər çıxır. Ekspertlərə görə, "Takeda"nın bu həmləsi "Pfizer"ı da bənzər bir satınalmaya sövq edə bilər. "Pfizer son olaraq 2000-ci ildə "Warner Lambert"i 112 milyard dollara almışdı.

SƏHMLƏRİ DÜŞDÜ

"Financial Times"ın xəbərinə görə investorlar "Takeda"nın bu aqressiv genişlənmə planından razı deyil. Çünki, "Takeda"nın əlində yalnız 4,3 milyard dollarlıq nağd pulu var.

Yapon şirkətin səhmləri çərşənbə günü açılışda 9 faiz geriləyib.

"Shire"də 5,7 faiz payı olan "BB Healhcare Trust"ın fond rəhbərlərindən Paul Meycora-ya görə, müqavilə valyuta riski daşıyır. Meycor, "Təklifin nağd komponenti dollarla, pay komponenti yen ilə ödənir. "Shire" isə funt-sterlinq üzərindən listinq edilib" deyib.

ƏCZAÇILIQ SEKTORU DAYANMIR

"Takeda- Shire" sazişi reallaşarsa, 65 milyard dollarlıq təklif tarixi bir rəqəm ola bilər.

Çünki, son illərdə hərəkətə gələn dərman sektorunda ən çox səs salan satınalmalardan biri aprelin əvvəlində baş vermişdi. Dünyanın ən böyük dərman şirkəti "Novartis", mərkəzi ABŞ-da yerləşən gen terapiya şirkəti "Avexis"i 8,7 milyard dollara almışdı.

Fransız dərman nəhəngi "Sanofi" də yanvar ayında, Belçikanın bioteknologiya firması "Ablynx" üçün 3,9 milyard avro ödəmişdi.

25.04.2018 19:16